कांग्रेस बाँकेले १८ गते जिल्ला सम्मेलन गर्दै, गगन थापा आउने

राजनीति

गृहपृष्ठ
राजनीति
कांग्रेस बाँकेले १८ गते जिल्ला सम्मेलन गर्दै, गगन थापा आउने

कांग्रेस बाँकेले १८ गते जिल्ला सम्मेलन गर्दै, गगन थापा आउने

बिहीबार, चैत १६, २०७९ बागेश्वरी पोस्ट

नेपालगञ्ज । नेपाली कांग्रेस बाँकेले जिल्ला सम्मेलन गर्दैछ । यही चैत्र १८ गते प्रथम जिल्ला सम्मेलन गर्न लागेको हो । सम्मेलनको पार्टीका महामन्त्री गगनकुमार थापाले उद्घाटन गर्ने कांग्रेस बाँकेले जनाएको छ ।

नेपालगञ्जस्थित पार्टी कार्यालयमा आज आयोजित पत्रकार सम्मेलनमा सभापति नारायणप्रसाद गौडेलले सम्मेलनबारे जानकारी गराउँदै सम्पूर्ण तयारी पूरा भएको बताएका छन् । १ हजार ६ सय प्रतिनिधि सहभागी हुने सम्मेलनमा सांगठानिक प्रतिवेदन, आर्थिक प्रतिवेदन, वार्षिक नीति तथा कार्यक्रमको प्रस्तुतिकरणसँगै प्रजातन्त्र सेनानी, पूर्व पार्टी सभापति, उत्कृष्ट वडा सभापति, महिला वडा सभापति, सहिद परिवार तथा जनआन्दोलन र द्वन्दका घाइतेलाई सम्मान गर्ने कार्यक्रम रहेको गौडेलले बताए । सम्मेलनलाई विगतको समीक्षा र आगामी कार्ययोजना प्रस्तुत गर्ने थलोको रुपमा प्रयोग गरिने सभापति गौडेलले बताए ।

No description available.

पत्रकार सम्मेलनमा सभापति गौडेलले कांग्रेस बाँकेको नेतृत्वले पार्टीलाई प्रभावकारी रुपमा गाउँगाउँमा पुर्‍याउन र जिल्लामा सबैतिर देखिने, सुनिने र अनुभूति गर्ने कांग्रेस बनाउन सामाजिक र सिर्जनात्मक क्रियाकलापहरु गरिरहेको उल्लेख गरे । चुस्त, दुरुस्त र धारिलो संगठन बनाउने कामलाई अभियानको रुपमा अघि बढाउन पार्टीपंक्ति लागिपरेको कांग्रेस बाँकेले जनाएको छ । पार्टीले अब गाउँ-गाउँमा प्रशिक्षण कार्यक्रम सञ्चालन गर्ने गौडेलले बताए ।

बाँकेमा जिल्ला सम्मेलन पहिलोपटक हुन लागेको हो । सम्मेलनमा जिल्लाभरका क्षेत्रीय प्रतिनिधिहरु सहभागी हुन्छन् । पत्रकार सम्मेलनमा उपसभापतिद्वय गोपालप्रसाद अधिकारी र कृष्ण कार्की, सचिव सुधांशु कोइराला, सहसचिवद्वय रेण सिंह ठाकुर र विनोदकुमार थारु, कोषाध्यक्ष यज्ञबहादुर बस्नेत लगायत उपस्थित थिए । कार्यक्रमको सञ्चालन सचिव कोइरालाले गरेका थिए ।

No description available.