शेखर समूहले नाम नदिएपछि कांग्रेसबाट अहिले चार जना मात्रै मन्त्री

राजनीति

गृहपृष्ठ
राजनीति
शेखर समूहले नाम नदिएपछि कांग्रेसबाट अहिले चार जना मात्रै मन्त्री

शेखर समूहले नाम नदिएपछि कांग्रेसबाट अहिले चार जना मात्रै मन्त्री

शुक्रबार, चैत १७, २०७९ बागेश्वरी पोस्ट

नेपालगञ्ज । नेपाली कांग्रेसले प्रधानमन्त्री पुष्पकमल दाहाल प्रचण्डलाई चार जनाको मात्र नाम मन्त्रीका लागि पठाएको छ ।

कांग्रेसले पाएको ८ मन्त्रालयमा डा. शेखर कोइराला समूहले आफ्नो पक्षको सम्मानजनक सहभागिता नभएसम्म मन्त्रीको नाम नदिने निर्णय गरेपछि पार्टी सभापति शेरबहादुर देउवाले उपसभापति पूर्णबहादुर खड्का, प्रबक्ता प्रकाशशरण महत, केन्द्रिय सदस्य रमेश रिजाल र सीता गुरुङको नाम प्रधानमन्त्रीलाई पठाएका छन् ।

कांग्रेसले पठाएका खड्का उपप्रधान तथा रक्षा मन्त्री, महत अर्थ मन्त्री, रमेश रिजाल उद्योग मन्त्री र सीता गुरुङ सहरी विकास मन्त्री हुँदैछन् ।

शेखर कोइराला समूहले २ मन्त्री अस्वीकार गर्दै आफ्नो समूहको नाम नपठाएपछि मन्त्रीमण्डलमा ४ जनाको मात्रै नाम पठाइएको हो ।

प्रकाशित मिति: शुक्रबार, चैत १७, २०७९ १३:३६