कांग्रेस क्षेत्र नम्बर २ बाँकेको प्रथम क्षेत्रीय सम्मेलन सम्पन्न

राजनीति

गृहपृष्ठ
राजनीति
कांग्रेस क्षेत्र नम्बर २ बाँकेको प्रथम क्षेत्रीय सम्मेलन सम्पन्न

कांग्रेस क्षेत्र नम्बर २ बाँकेको प्रथम क्षेत्रीय सम्मेलन सम्पन्न

शुक्रबार, चैत १७, २०७९ बागेश्वरी पोस्ट

नेपालगञ्ज । नेपाली कांग्रेस बाँके क्षेत्र नम्बर २ को प्रथम क्षेत्रीय सम्मेलन आज नेपालगञ्जमा सम्पन्न भएको छ । क्षेत्र नम्बर २ को आयोजना एवम् प्रदेश क्षेत्रीय कार्यसमिति (क) र (ख) को सहआयोजनामा सम्पन्न सम्मेलनमा वडा सभापति, क्षेत्रीय प्रतिनिधि लगायत नेता कार्यकर्ता एवम् शुभच्छुकहरुको उपस्थिति रहेको थियो ।

No description available.

क्षेत्रीय सभापति रमेशकुमार गुप्ताको सभापतित्व एवम् नेपाली कांग्रेसका केन्द्रिय सदस्य मैकुलाल बाल्मिकीको प्रमुख आतिथ्यतामा सम्पन्न सम्मेलनमा सांगठनिक र आर्थिक प्रतिवेदन प्रस्तुतिसंगै पार्टीको सांगठनिक अवस्था, भावी कार्यदिशा र योजनाबारे पनि छलफल भएको थियो ।

सम्मेलनलाई सम्बोधन गर्दै केन्द्रिय सदस्य बाल्मिकीले पार्टी जीवनलाई मजबुत बनाउन सबै नेता कार्यकर्ताको इमान्दार पर्यत्न जरुरी रहेको बताए । उनले कांग्रेसको संगठनलाई जुझारु र सशक्त बनाउनतर्फ लाग्न नेता कार्यकर्तालाई निर्देशन समेत दिए । पार्टी सभापति नारायणप्रसाद गौडेलले सबैतिर देखिने, सुनिने र महसूस गरिने कांग्रेस आजको आवश्यकता रहेको भन्दै संगठन निर्माणमा जुट्न आह्वान गरे ।

सम्मेलनलाई पूर्व पार्टी सभापतिहरु गजेन्द्र हमाल, किरण कोइराला, कृष्णमान श्रेष्ठ, महाधिवेशन प्रतिनिधि अजितकुमार शर्मा, कांग्रेस नेता एवम् तरुण दलका पूर्व महासचिव हुर्मत न्यौपाने लगायतले सम्बोधन गरेका थिए । सम्मेलनमा प्रतातान्त्रिक उद्योगी व्यवसायी संघको जिल्ला तथा नगर कार्यसमिति, नेपाल शिक्षक संघको नवनिर्वाचित जिल्ला कार्यसमिति, प्रदेश कार्यसमितिमा बाँकेबाट निर्वाचित पदाधिकारी एवम् सदस्य लगायतलाई सम्मान गरिएको थियो ।

No description available.