काँग्रेस जानकी गाउँपालिकाको बार्षिक सम्मेलन सम्पन्न

राजनीति

गृहपृष्ठ
राजनीति
काँग्रेस जानकी गाउँपालिकाको बार्षिक सम्मेलन सम्पन्न

काँग्रेस जानकी गाउँपालिकाको बार्षिक सम्मेलन सम्पन्न

शुक्रबार, चैत १७, २०७९ बागेश्वरी पोस्ट

जानकी (बाँके) । नेपाली काँग्रेस जानकी गाउँपालिका बाँकेको पालिकास्तरीय बार्षिक सम्मेलन आज सम्पन्न भएको छ ।

जानकी गाउँपालिका नेपाली कांग्रेसका सभापति दयाराम यादवको अध्यक्षतामा सम्पन्न गाउँपालिकास्तरीय बार्षिक सम्मेलनमा बोल्दै नेपाली कांग्रेस बाँकेका उपसभापति गोपालप्रसाद अधिकारीले पार्टीको जनाधार बलियो बनाउने गरी संगठनको काम गर्न आग्रह गरेका छन् । उनले कांग्रेसबाट निर्वाचित जनप्रतिनिधिले जनताको मन जित्ने गरी पारदर्शी ढंगले काम गर्नुपर्नेमा जोड दिए । जनप्रतिनिधिले राम्रो काम गरे कांग्रेसलाई कसैले हराउन नसक्ने अधिकारीले दाबी गरे ।

महासमिति सदस्य लक्ष्मीनारायण शाहले आगामी दिनहरुमा जानकीमा पार्टीको संगठन अझ बलियो बनाउनतर्फ लाग्नुपर्नेमा जोड दिएका छन् । आफूले संगठन निर्माणमा निकै मेहनत गरेको बताउँदै उनले त्यो कुरा निर्वाचनमा प्राप्त परिणामले पुष्टि गरेको जिकिर गरे । कार्यक्रममा महासमिति सदस्य टेकबहादुर खड्का, ३ (ख) का प्रदेश सभापति राजेन्द्र आचार्यले काँग्रेसलाई आउने दिनहरुमा अझै मजवुत गराउनका लागि सबै मिली गोलवन्द भएर लाग्नुपर्ने बताए ।

कार्यक्रममा जानकी गाउँपालिकका अध्यक्ष छब्बन खाँ, उपाध्यक्ष रामप्यारी यादवले समेत धारणा राखेका थिए भने नेपाली कांग्रेस जानकी गाउँपालिका सचिव टिकानाथ यादवले कार्यक्रम सञ्चालन गरेका थिए । कार्यक्रममा स्थानीय नेता कार्यकर्ता तथा क्रियाशील सदस्हरुको उपस्थिति रहेको थियो ।

प्रकाशित मिति: शुक्रबार, चैत १७, २०७९ २०:५२

प्रतिक्रिया दिनुहोस्