चार मन्त्री छान्न कांग्रेस केन्द्रीय कार्यसम्पादन समितिको बैठक बस्दै

राजनीति

गृहपृष्ठ
राजनीति
चार मन्त्री छान्न कांग्रेस केन्द्रीय कार्यसम्पादन समितिको बैठक बस्दै

चार मन्त्री छान्न कांग्रेस केन्द्रीय कार्यसम्पादन समितिको बैठक बस्दै

आइतबार, चैत १९, २०७९ बागेश्वरी पोस्ट

काठमाडौं । मन्त्रिपरिषद्को पूर्णता, उपनिर्वाचन र समसामयिक राजनीतिक विषयमा छलफल गर्नका लागि नेपाली कांग्रेसको केन्द्रीय कार्यसम्पादन समितिको बैठक बस्दैछ ।

आज बिहान १० बजे पार्टीको केन्द्रीय कार्यालय, वीपी स्मृति भवन, वीपीनगर, ललितपुरमा बस्ने बैठकमा उपनिर्वाचनको उम्मेदवार तय गर्ने र मन्त्रीहरुको नाम टुंगो लगाउने बताइएको छ ।

यसअघि पुष्पकमल दाहाल प्रचण्ड नेतृत्वको सरकारमा सहभागी हुने मन्त्रीहरुको नाम चयन गर्ने जिम्मा सभापति शेरबहादुर देउवालाई दिएको थियो ।

तर, देउवाले सम्मानजनक सिट नदिएसम्म आफ्नो तर्फका व्यक्तिको नाम नपठाउने निर्णय डा. शेखर कोइराला पक्षले गरेसँगै मन्त्रिपरिषद् अपूर्ण भएको छ ।

कांग्रेसले आठ वटा मन्त्रालयको जिम्मा पाएको भए पनि चार जना मात्र मन्त्री पठाएको छ । कोइराला पक्षले सकभर चार जना र नभए सम्मानजनक रुपमा तीन जनालाई मन्त्री बनाउनुपर्ने बताउँदै आएको छ ।

कोइराला पक्ष आजको बैठकमा कडारुपमा प्रस्तुत हुने जनाएको छ । देउवाले जम्मा दुई जनाको मात्र नाम मागेपछि कोइराला पक्ष असन्तुष्ट बनेको हो ।

प्रकाशित मिति: आइतबार, चैत १९, २०७९ ०९:००

प्रतिक्रिया दिनुहोस्