गोविन्दराज जोशी र विकास कोइरालाको कारबाही फुकुवा

राजनीति

गृहपृष्ठ
राजनीति
गोविन्दराज जोशी र विकास कोइरालाको कारबाही फुकुवा

गोविन्दराज जोशी र विकास कोइरालाको कारबाही फुकुवा

आइतबार, चैत १९, २०७९ बागेश्वरी पोस्ट

नेपालगन्ज । नेपाली कांग्रेसको केन्द्रीय कार्यसम्पादन समितिको बैठकले पूर्व मन्त्री गोविन्दराज जोशीको कारबाही फुकुवा गरेको छ ।

आज बसेको कांग्रेस केन्द्रीय कार्यसम्पादन समितिको बैठकले पार्टी उम्मेदवारविरुद्ध बागी उम्मेदवारी दिएपछि कारबाहीमा परेका पूर्व मन्त्री जोशीको कारबाही फुकुवा गर्ने निर्णय गरेको हो ।

गत निर्वाचनमा रामचन्द्र पौडेलविरुद्ध तनहुँमा पूर्व मन्त्री जोशीले बागी उम्मेदवारी दिएपछि कारबाहीमा परेका थिए । तनहुँ- १ बाट स्वतन्त्र उम्मेदवार बनेका थिए ।

जोशीसहित २०७९ भन्दा पहिले स्वतन्त्र उम्मेदवारी दिएर पार्टी अनुशासन उल्लङ्घन गरेका बारा, तनहुँ र चितवन नेताहरूको पुरानै सदस्यता निरन्तरता हुने गरी कारबाही फुकुवा गर्ने कांग्रेसले निर्णय गरेको छ ।

यो सँगै चितवन जिल्लाका पूर्वसभापति विकास कोइरालामाथिको कारबाही पनि फुकुवा भएको छ । २०७० सालको संविधानसभा निर्वाचनमा तत्कालीन सभापति सुशील कोइरालाविरूद्ध चितवन- ४ बाट स्वतन्त्र उम्मेदवार उठेपछि कोइराला कारबाहीमा परेका थिए ।

प्रकाशित मिति: आइतबार, चैत १९, २०७९ १३:२४

प्रतिक्रिया दिनुहोस्