उपनिर्वाचनका लागि बारा,चितवन र तनहुँमा आज उम्मेदवारी दर्ता

राजनीति

गृहपृष्ठ
राजनीति
उपनिर्वाचनका लागि बारा,चितवन र तनहुँमा आज उम्मेदवारी दर्ता

उपनिर्वाचनका लागि बारा,चितवन र तनहुँमा आज उम्मेदवारी दर्ता

सोमबार, चैत २०, २०७९ बागेश्वरी पोस्ट

नेपालगन्ज। आउँदो बैशाख १० गते मा हुने प्रतिनिधि सभा सदस्यको उपनिर्वाचनका लागि आज उम्मेदवारको मनोनयनपत्र दर्ता हुँदैछ ।

निर्वाचन आयोगका अनुसार चितवन–२, तनहुँ–१ र बारा–२ मा बैशाख १० मा हुन गइरहेको उपनिर्वाचनका लागि आज उम्मेदवारको मनोनयन पत्र दर्ता हुन गइरहेको हो ।

गत मंसिर ४ को निर्वाचनवाट निर्वाचित राष्ट्रिय स्वतन्त्र पार्टी (रास्वपा) का सभापति रवि लामिछाने नागरिकता सम्बन्धी मुद्दामा सर्वोच्च अदालतको फैसलाबाट पदमुक्त भएपछि चितवन -२ रिक्त हुन पुगेको थियो ।

यसैगरी नेपाली कांग्रेसका बरिष्ठ नेता रामचन्द्र पौडेल राष्ट्रपतिमा निर्वाचित भएपछि तनहुँ– १ र जसपाका सांसद रामसहायप्रसाद यादव उपराष्ट्रपतिमा निर्वाचित भएपछि बारा–२ रिक्त हुन पुगेको थियो ।

रिक्त रहेका तीन वटा निर्वाचन क्षेत्रमा आगामी बैशाख १० गते उपनिर्वाचन हुन लागेको हो । सो उपनिर्वाचन प्रयोजनका लागि शनिबार मुख्य निर्वाचन अधिकृतको कार्यालय स्थापना भइसकेको छ ।

मुख्य निर्वाचन अधिकृतको कार्यालयमा आज बिहान १० बजेदेखि साँझ ५ बजेसम्म उम्मेदवारको मनोनयनपत्र दर्ता हुनेछ ।

प्रकाशित मिति: सोमबार, चैत २०, २०७९ ०९:२६

प्रतिक्रिया दिनुहोस्