चितवन -२ बाट रवि लामिछानेले गरे उम्मेदवारी दर्ता

राजनीति

गृहपृष्ठ
राजनीति
चितवन -२ बाट रवि लामिछानेले गरे उम्मेदवारी दर्ता

चितवन -२ बाट रवि लामिछानेले गरे उम्मेदवारी दर्ता

सोमबार, चैत २०, २०७९ बागेश्वरी पोस्ट

नेपालगन्ज । आगामी बैशाख १० गते हुने उपनिर्वाचनका लागि राष्ट्रिय स्वतन्त्र पार्टी (रास्वपा) का सभापति रवि लामिछानेले चितवन -२ मा उम्मेदवारी दर्ता गरेका छन् ।

प्रतिनिधि सभा सदस्यको उपनिर्वाचनका लागि आज बिहान सवा १० बजे लामिछानेले मनोनयन दर्ता गरेका हुन् । लामिछानेले भरतपुरमा रहेको मुख्य निर्वाचन अधिकृतको कार्यालयमा पुगेर उम्मेदवारी दर्ता गराएका हुन् ।

उनको प्रस्तावक राष्ट्रिय स्वतन्त्र पार्टीको भरतपुर महानगरपालिकी सभापति सीता ज्ञवाली र समर्थक भरतपुर महानगरपालिका–वडा नं ११ सभापति विक्रम श्रेष्ठ रहेका छन् ।

गत मंसिर ४ मा सम्पन्न निर्वाचनमा निर्वाचित बनेका लामिछानेको नागरिकता विवादमा दोषी पाइएपछि सांसद पद गएको थियो । अहिले उनकै क्षेत्रमा उपनिर्वाचन भइरहेको हो ।

आगामी १० बैशाखमा चितवन -२, बारा -२ र तनहुँ -१ मा उपनिर्वाचन हुँदैछ । जसको आज मनोनयनका लागि समय तोकिएको छ ।

प्रकाशित मिति: सोमबार, चैत २०, २०७९ ११:४३