घर पालुवा जनावर मारेर गाउँलेलाई हैरान पारेको बाघ नियन्त्रणमा

समाचार

गृहपृष्ठ
समाचार
घर पालुवा जनावर मारेर गाउँलेलाई हैरान पारेको बाघ नियन्त्रणमा

घर पालुवा जनावर मारेर गाउँलेलाई हैरान पारेको बाघ नियन्त्रणमा

बुधबार, चैत २२, २०७९ बागेश्वरी पोस्ट

फाइल फोटो

नेपालगन्ज । गाउँ घरमा पसेर घर पालुवा भैंसी र बाख्रा खाने बाघलाई नियन्त्रणमा लिइएको छ ।

पर्साको ठोरी गाउँपालिका- ४ विजय बस्तीमा पसेर पालुवा जनावर मारेर खाने बाघलाई गएराति पर्सा राष्ट्रिय निकुञ्ज, नेपाली सेनाको टोलीको उक्त बाघलाई नियन्त्रणमा लिएको हो ।

केही दिनदेखि गाउँमा पसेर उक्त बाघले १२ बाख्रा, खसी र दुईटा भैंसीका पाडा मारेको निकुञ्जका सूचना अधिकारी सूर्य खड्काले जानकारी दिएका छन् ।

नियन्त्रणमा लिइएको भाले बाघ घाइते अवस्थामा रहेको उनले बताए । उसको मुख, टाउको र खुट्टामा घाउ छ । अर्को बाघसँग लड्दा घाइते भएको हुन सक्ने देखिएको छ,’ खड्काले भने,‘अब केही दिन हामी उसलाई खोरमा राखरे उपचार गर्छौं ।’

बाघ निको भएपछि बाघलाई के गर्ने भन्नेबारे विभाग र मन्त्रालयसँग सल्लाह गरेर निर्णय गर्ने उनले बताए । बाघलाई नियन्त्रणमा लिएपछि स्थानीयहरुले राहत महसुस गरेका छन् ।

प्रकाशित मिति: बुधबार, चैत २२, २०७९ १२:०९

प्रतिक्रिया दिनुहोस्