‘यस कारण चुनाव जित्न चाहन्छन स्वतन्त्र उम्मेदवार रमेश’

राजनीति

गृहपृष्ठ
राजनीति
‘यस कारण चुनाव जित्न चाहन्छन स्वतन्त्र उम्मेदवार रमेश’

‘यस कारण चुनाव जित्न चाहन्छन स्वतन्त्र उम्मेदवार रमेश’

बिहीबार, माघ ९, २०७६ बागेश्वरी पोस्ट

नेपालगन्ज ।नेपालगन्ज उद्योग बाणिज्य संघको माघ ११ गते हुने निर्वाचनमा आफ्नो उम्मेदवारी औचित्य सावित गर्दै रमेश चन्द्र कुमालले भने ‘मेरो उम्मेदवारी साना व्यवसायीको हितका लागि हो।’

अहिले पनि ठूला उद्योगी व्यवसायीलाई मात्र उद्योगी व्यवसायीका रुपमा लिईन्छ तर साना व्यवसायीका समस्या धेरै छन् उनले भने ‘म साना व्यवसायीहरुको सुखदुखमा सहयात्रा गर्न चाहान्छु, उनीहरुको हकहित र अधिकारको सवालमा खरोरुपमा उत्रन चाहान्छु, त्यसका लागि नेपालगन्ज उद्योग बाणिज्य संघको सदस्य पदमा उम्मेदवारी दिएको हुँ ।’

प्यानलबाट नलडेर किन स्वतन्त्र ? संवाददातासँगको कुराकानीमा उनी भन्छन् ‘ प्यानलबाट चुनाव लड्दा राजनीतिक टयाग लाग्छ म राजनीति गर्न संघमा जान लागेको होइन् व्यवसायीको मुद्दालाई उठान गर्न जान लागेको हुँ ।’ नेपालगञ्ज उपमहानगरपालिका वडा नम्बर ३ स्थायी निवासी कुमाल कालिका अर्डर सल्लायर्सका प्रोप्राइटर हुन । कर सहयोगी श्रमिक संगठन नेपाल संयुक्त जिल्ला कमिटी, बाँकेका संस्थापक अध्यक्ष समेत रहेका उनी निर्वाचनमा आफु कुनै पनि समुहमा नभई सबैको साझा उम्मेदवारको रुपमा निर्वाचनमा उम्मेदवारी दिएको बताउंछन् ।

उनले दुवै प्यानल बनाएर निर्वाचनमा होमिएको बेलामा आफु दुबै पक्षको प्यारो भएको दाबी गर्दै स्वतन्त्र भएर उम्मेदवारी दिएको बताए । उनले भने–‘मैले कर सहयोगीको रुपमा मात्रै न भएर आफु पनि ब्यावसायी भएको कारण व्यावसायीको पीर मर्का बुझेको छु । ब्यावसायीक हितको लागि सहयोगी भुमिकामा हुने छु । त्यसैले सबैको प्यारो र नजिकको उम्मेदवार आफु हुँ भन्ने लागेको छ ।’ नेपालगन्ज उद्योग बाणिज्य संघको विधानले साना उद्योगी व्यवसायीको सवाल समेट्न नसकेको उनले बताए।

‘म सदस्य पदमा निर्वाचित भएपछि साना उद्योगी व्यवसायीको सवाललाई सम्वोधन गर्न विधान संशोधनका लागि पहल गर्छु’ उनले भने । सदस्य पदमा उम्मेदवार रहेका उनको क्रम संख्या नं १८ हो । उनी उद्योगी व्यवसायीसँगै सामाजिक सेवामा समेत आफ्नो जिम्मेवारी कुशलतापूर्वक निर्वाह गरिसकेका छन् ।

मानवअधिकार तथा शान्ति समाजको आजीवन सदस्य, रामलिला सञ्चालक समितिका आजीवन सदस्य, नेपाल प्रजापति कुम्भकार संघ (काठमाण्डौं)का केन्द्रीय सदस्य, कर सहयोगी, २०४९सालदेखि २०५४ सालसम्म नेपालगञ्ज उपमहानगरपालिकाका सल्लाहकार सभा सदस्य (मनोनित), एमनेष्टि इन्टरनेशनल नेपालका पूर्व सदस्य, नेपाल लेखापढी कानून व्यवसायी एशोसिएसन जिल्ला कार्य समिति सदस्य पदमा निर्विरोध निर्वाचित भएका थिए ।

प्रकाशित मिति: बिहीबार, माघ ९, २०७६ १०:११

प्रतिक्रिया दिनुहोस्