प्रहरीका ४ डीआईजीको एआईजीमा बढुवा, गिरी प्रदेश समन्वय निर्देशनालयमा

राजनीति

शुक्रबार, चैत २४, २०७९ बागेश्वरी पोस्ट

नेपालगन्ज । नेपाल प्रहरीका ४ जना प्रहरी नायब महानिरीक्षक (डीआईजी) प्रहरी अतिरिक्त महानिरीक्षक (एआईजी) बढुवा भएका छन् ।

आज बिहान बसेको मन्त्रिपरिषद् बैठकले डीआईजी सन्दीप भण्डारी, सुदीप गिरी, मीरा चौधरी र टेकबहादुर तामाङ एआईजीमा बढुवा गरेको हो ।

डीआईजीबाट एआईजी बढुवा भएका भण्डारी एक नम्बरमा बरियतामा रहेका छन् ।

बढुवासँगै ४ जना एआईजीको पदस्थापन गर्दै भण्डारीलाई प्रहरी प्रधान कार्यालयको मानव स्रोतमा पठाइएको छ ।

त्यस्तै एआईजी गिरीलाई प्रदेश समन्वय निर्देशनालय, मिरा चौधरीलाई कार्य विभागमा र एआईजी टेकबहादुर तामाङलाई अपराध अनुसन्धान विभागमा पठाइएको छ ।

प्रकाशित मिति: शुक्रबार, चैत २४, २०७९ १२:०२

प्रतिक्रिया दिनुहोस्