उपप्रधानमन्त्री भएर पहिलो पटक गृह जिल्ला पुगेका खड्काले ढोगे 'माटो'

राजनीति

गृहपृष्ठ
राजनीति
उपप्रधानमन्त्री भएर पहिलो पटक गृह जिल्ला पुगेका खड्काले ढोगे 'माटो'

उपप्रधानमन्त्री भएर पहिलो पटक गृह जिल्ला पुगेका खड्काले ढोगे 'माटो'

शनिबार, चैत २५, २०७९ बागेश्वरी पोस्ट

नेपालगन्ज । उपप्रधान तथा रक्षा मन्त्री भएपछि पहिलो पटक गृह जिल्ला सुर्खेत पुगेका पूर्णबहादुर खड्काले सुर्खेत विमानस्थलमा ओर्ले लगत्तै माटोलाई ढोगेका छन् ।

उपप्रधानमन्त्री भएर आज बिहान पहिलो पटक सुर्खेत पुगेका खड्कालाई त्यहाँका स्थानीयहरूले उनको भव्य स्वागत गरेका थिए । उपप्रधान तथा रक्षा मन्त्री खड्काले सुर्खेत विमानस्थलमा पत्रकारहरुसँग कुरा गर्दै समग्र कर्णाली प्रदेश र सुर्खेती जनताको शीर निहुरिने गरी कुनै पनि कामहरू आफूले नगर्ने बताए ।

‘म अहिले जहाँ छु, कर्णालीको जनप्रतिनिधिको रूपमा छु, मैले जिम्मेवारी सम्हाल्दा, सम्पन्न गरेर जिम्मेवारी विसाउने बेलाको भोलिपल्टदेखि कर्णालीका जनताले हाम्रो शीर निहुरिने काम गरेनन्, कर्म गरेनन्, शिर ठाडो गर्ने गरी काम गर्यो भन्ने जस प्राप्त गर्न सकूँ,’ खड्काले भने, ‘त्यही तागत, आर्शिवाद र शुभकामना कर्णालीको माटोसँग माग्नका लागि कर्णालीको धर्ती ढोगेको हुँ ।’

उपप्रधान तथा रक्षा मन्त्री नेपाली कांग्रेसको नेतृत्व गरेर सरकारमा गएका थिए । उनी कांग्रेसको पार्टी उपसभापति पनि हुन् ।

यसअघि पनि कांग्रेसका सन्जय गौतम सिंचाई मन्त्री भएर पहिलो पटक गृह जिल्ला बर्दियाको सिमानामा पुगेर माटोलाई ढोगेका थिए ।

प्रकाशित मिति: शनिबार, चैत २५, २०७९ १२:२०

प्रतिक्रिया दिनुहोस्