मेयर बालेनको प्रहरीलाई झटारो: 'फुटपाथमा बनेका प्रहरी बिट नहटाए आफैंले हटाउने चेतावनी'

राजनीति

गृहपृष्ठ
राजनीति
मेयर बालेनको प्रहरीलाई झटारो: 'फुटपाथमा बनेका प्रहरी बिट नहटाए आफैंले हटाउने चेतावनी'

मेयर बालेनको प्रहरीलाई झटारो: 'फुटपाथमा बनेका प्रहरी बिट नहटाए आफैंले हटाउने चेतावनी'

एमाले महासचिव पोखरेलले दिए बालेनलाई कडा जवाफ

शनिबार, चैत २५, २०७९ बागेश्वरी पोस्ट

फाइल फोटो

नेपालगन्ज । काठमाडौं महानगरपालिकाका मेयर वालेन्द्र साह (बालेन) ले तेस्रो पटक आक्रोशित भएर फेरि सरकार विरुद्ध आक्रामक भएर स्टाटस लेखेका छन् ।

फोहरको विषयलाई लिएर बिहान बिहानै आक्रोशित मुडमा आएका मेयर बालेनले त्यसपछि सरकारमाथि आक्रोश पोखेर फेरि प्रहरीमाथि आक्रोशित बनेका छन् ।

बालेनले महानगरभित्र फुटपाथ मिचेर प्रहरी बिट बनाएको भन्दै प्रहरी बिटहरु तत्काल हटाउनुपर्ने नत्र आफैँले हटाउने चेतावनी सहितको स्टाटस लेख्दै प्रहरी बिटहरुको तस्बिर पनि सार्वजनिक गरेका छन् ।

‘फुटपाथ सधैं मान्छे हिँड्नका लागि प्रयोग हुनुपर्छ भनेर हामीले फुटपाथमा व्यापार गर्न रोकेका छौँ । यो नियम सर्वसाधारणका लागि मात्रै होइन । सबैका लागि हो र हुनुपर्छ’, उनले फेसबुकमा लेखेका छन्, ‘कानून कार्यान्वयन गर्ने नेपाल प्रहरीले नै बाटो मिचेर आफ्नो संरचना बनाउँछ भने त्यो गलत हुन्छ । त्यो संरचना प्रहरी आफैँले हटाउनुहोला, नत्र समतामूलक कानूनको प्रयोगको लागि पनि हामी ती संरचना हटाउन बाध्य हुनेछौँ ।’

मेयर बालेनले फुटपाथ मिचेर संरचना बनाएको भन्दै विभिन्न देशका राजदूतावासलाई पनि पत्राचार गरेको जनाएका छन् । ‘राजदूतावास लगायत विदेशी नियोगका हकमा पनि हामीले सम्बन्धित मन्त्रालयलाई काम अगाडि बढाइदिन पत्राचार गरिसकेका छौँ,’ उनले भनेका छन्, ‘कानून सर्वसाधारण नागरिकका लागि र अरुका लागि अलग्गै हुन्न भन्ने तथ्य स्थापित गर्न हामी तयार हुनुपर्छ । तयार बनौँ ।’

बालेनको यस्ता अभिव्यक्तिप्रति नेकपा एमालेका महासचिव शंकर पोखरेलले आपत्ति जनाएका छन् ।

आज सामाजिक सञ्जाल ट्विटरमा लेख्दै महासचिव पोखरेलले उनको अभिव्यक्तिले समाजलाई अराजकतातर्फ लैजाने प्रयास भइरहेको संकेत गरेको बताएका हुन् । जवाफमा जिम्मेवारी सम्हालेर बसेका व्यक्ति जिम्मेवार र जवाफदेही बन्नुपर्ने बताएका हुन् ।

महासचिव पोखरेलको यस्तो छ जवाफ-