'रास्वपा'का सांसद ढाकाकुमारले मन्त्री बन्न भन्दै २ करोड मागेको अडियो सार्वजनिक

राजनीति

गृहपृष्ठ
राजनीति
'रास्वपा'का सांसद ढाकाकुमारले मन्त्री बन्न भन्दै २ करोड मागेको अडियो सार्वजनिक

'रास्वपा'का सांसद ढाकाकुमारले मन्त्री बन्न भन्दै २ करोड मागेको अडियो सार्वजनिक

आइतबार, चैत २६, २०७९ बागेश्वरी पोस्ट

नेपालगन्ज । राष्ट्रिय स्वतन्त्र पार्टी (रास्वपा) का सांसद ढाकाकुमार श्रेष्ठले मेडिकल व्यवसायी दुर्गा प्रसाईंसँग दुई करोड रुपैयाँ मागेको अडियो सार्वजनिक भएको छ ।

अडियो सार्वजनिक भएपछि उनलाई पार्टीले कारबाही गर्न लागेको हो । उपसभापति डोलप्रसाद अर्यालले समानुपातिक सांसद श्रेष्ठलाई कारबाही गर्ने बारेमा पार्टीमा छलफल भइरहेको बताए । उनले तत्काल कुनै निर्णय नभएको र छलफल चलिरहेको बताए ।

मिडियामा निलम्बनको समाचार आइसकेको बारेमा आक्रोशित हुँदै आफूहरु छलफलमा रहँदा रहँदै कसले बाहिर कुरा ल्यायो पहिले उसलाई कारबाही गर्नुपर्ने भयो भने ।

आफू स्वास्थ्य मन्त्री बन्न लागेको र त्यसका लागि पार्टीलाई साढे २ करोड रुपैयाँ बुझाउनुपर्ने भन्दै सांसद श्रेष्ठले बी एण्ड सी मेडिकल कलेजका सञ्चालक प्रसाईंसँग रकम मागेका हुन् ।

सार्वजनिक भएको अडियोमा सांसद श्रेष्ठले आफ्नो दलले स्वास्थ्य मन्त्रालय पाउने भएको र मन्त्री बन्नका लागि नेताहरुले आफूसँग साढे २ करोड मागेको बताएका छन् ।

प्रकाशित मिति: आइतबार, चैत २६, २०७९ १५:०८

प्रतिक्रिया दिनुहोस्