जब सहकारीपीडित कांग्रेस पार्टी कार्यालय पुगे...

समाचार

गृहपृष्ठ
समाचार
जब सहकारीपीडित कांग्रेस पार्टी कार्यालय पुगे...

जब सहकारीपीडित कांग्रेस पार्टी कार्यालय पुगे...

आइतबार, चैत २६, २०७९ बागेश्वरी पोस्ट

नेपालगञ्ज । सहकारी वित्तीय विकास संस्था लिमिटेड पीडितहरुले आफूहरुले लामो समयसम्म पनि न्याय नपाएको गुनासो गरेका छन् । सहकारी वित्तीय विकास संस्थाका पदाधिकारी र कर्मचारीहरुले शेयरधनी र बचतकर्ताहरुको संचित रकम अपचलन गरेको विषयमा अदालतमा मुद्दा चलिरहेका बेला न्याय निरुपणमा ढिलासुस्ती भइरहेको भन्दै सहकारी पीडितहरुले नेपाली कांग्रेस बाँकेलाई न्यायका लागि पहल गरिदिन आग्रह गरेका छन् ।

४०/५० जनाको संख्यामा संघर्ष समितिका उपसंयोजक आशुतोष शुक्लाको नेतृत्वमा पार्टी कार्यालय नेपालगञ्ज पुगेका पीडितहरुले कार्यबहाक सभापति गोपालप्रसाद अधिकारी, सचिव सुधांशु कोइरालालाई भेटेर न्यायका लागि पहल गरिदिन आग्रह गरे । त्यहाँ पुगेका सहकारी पीडितलाई लिएर अधिकारी र कोइराला जिल्ला प्रशासन कार्यालय पुगे । र, प्रमुख जिल्ला अधिकारीसमक्ष आफ्ना गुनासाहरु सुनाउन भने।

आफूहरुलाई छिटो न्याय दिलाउन पीडितहरुले आग्रह गरेपछि प्रमुख जिल्ला अधिकारी विपिन आचार्यले अदालतमा भएको विषयमा बाहिर बोल्न नमिल्ने भन्दै केही अप्ठेरा, धम्की वा अरु विषय भए आफूले तत्काल एक्सन लिने बताए । अन्य सहकारीपीडितहरु पनि दिनहुँजसो आफूकहाँ आइरहेको बताउँदै उनले सहकारीहरुमा ठूलो समस्या देखिएको उल्लेख गरे । त्यसक्रममा जिल्ला प्रशासनमै रहेका नगर प्रमुख प्रशान्त विष्टले सहकारीपीडितका सवालहरुमा स्थानीय सरकार गम्भीर रहेको बताउँदै अदालतमा भएको विषयमा भने केही गर्न नसकिने बताए ।

प्रकाशित मिति: आइतबार, चैत २६, २०७९ २०:५०

प्रतिक्रिया दिनुहोस्