गृहमन्त्री श्रेष्ठले दिए बालेनलाई जवाफ- 'सहयोग चाहिए प्रक्रियागत रुपमा अघि बढनुहोस्'

राजनीति

गृहपृष्ठ
राजनीति
गृहमन्त्री श्रेष्ठले दिए बालेनलाई जवाफ- 'सहयोग चाहिए प्रक्रियागत रुपमा अघि बढनुहोस्'

गृहमन्त्री श्रेष्ठले दिए बालेनलाई जवाफ- 'सहयोग चाहिए प्रक्रियागत रुपमा अघि बढनुहोस्'

सोमबार, चैत २७, २०७९ बागेश्वरी पोस्ट

फाइल फोटो

नेपालगन्ज । उपप्रधानमन्त्री तथा गृहमन्त्री नारायणकाजी श्रेष्ठले काठमाडौं महानगरपालिकाका मेयर बालेन्द्र साह (बालेन) ले १४ उदाहरण दिँदै सिंहदरबारको फोहर नउठाउनुको कारण बताएसँगै त्यसको जवाफ फर्काएका छन् ।

आज चितवन पुगेका गृहमन्त्री श्रेष्ठले सहयोग चाहिए प्रक्रियागत रूपमा अघि बढ्नुपर्ने जवाफ फर्काएका हुन् ।

श्रेष्ठले सरकारहरूबीच कुनै कामका लागि समन्वय हुनका लागि औचित्य पुष्टि हुने गरी तथ्यसंगत रूपमा आउनुपर्ने पनि बताए । बालेनले सिंहदरबारको फोहर लहडमा नउठाएको नभई बारम्बारको प्रयास असफल भएपछि सो निर्णय लिनुपरेको बताएका थिए ।

श्रेष्ठले मेयरले सिंहदरबारको फोहोर उठाउँदिनँ भनेर भन्न मिल्छ भनी प्रश्न समेत गरेका छन् । उनले भने 'सिंहदरबारको फोहर उठाउँदिनँ भनेर महानगरको मेयरले भन्न मिल्छ कि मिल्दैन ? अझ सार्वजनिक र सामाजिक सञ्जालमा यसरी भन्न मिल्छ कि मिल्दैन ?'

श्रेष्ठले बालेनले गर्न खोजेको कामको औचित्य पुष्टि गर्न सुझाव दिएका छन् । उनले भने, 'तपाईँले गर्न खोजेको कामको औचित्य पुष्टि हुने गरी अलिकति निष्कर्षमा त पुग्न पर्‍यो नि । तपाईं आफैँले मात्र गर्न सक्ने काम छ भने हस्तक्षेप गर्दैनौँ । तर, सङ्घीय सरकार वा प्रदेश सरकारको सहयोग चाहिए त प्रक्रियागत रूपमा अघि बढ्नुपर्छ ।'

बालेनले असमन्वयकारी भूमिकाले थुप्रिएको समस्याको चाङ सिंहदरबारले फोहोरमा देखोस् भनेर फोहोर नउठाइएको बताएका छन् ।

प्रकाशित मिति: सोमबार, चैत २७, २०७९ ११:५३

प्रतिक्रिया दिनुहोस्