रास्वपा सांसद ढाकाको २ करोड अडियो प्रकरण छानबिन गर्न संसदीय समिति गठनको माग

राजनीति

गृहपृष्ठ
राजनीति
रास्वपा सांसद ढाकाको २ करोड अडियो प्रकरण छानबिन गर्न संसदीय समिति गठनको माग

रास्वपा सांसद ढाकाको २ करोड अडियो प्रकरण छानबिन गर्न संसदीय समिति गठनको माग

सोमबार, चैत २७, २०७९ बागेश्वरी पोस्ट

प्रतिनिधिसभा सदस्य धनराज गुरुङ

नेपालगन्ज । राष्ट्रिय स्वतन्त्र पार्टी (रास्वपा) का सांसद ढाकाकुमार श्रेष्ठले मन्त्री बन्न २ करोड मागेको भन्ने टेलिफोन संवादको सार्वजनिक अडियो रेकर्डबारे अध्ययन गर्न संसदीय समिति गठन गर्न माग गरिएको छ ।

आज बसेको प्रतिनिधिसभा बैठकमा कांग्रेसका सांसद धनराज गुरुङले उक्त अडियोमा कोर टिमलाई २ करोड रुपैयाँ बुझाउनुपर्ने बताएको भन्दै यसबारे अध्ययन र छानबिन गर्न संसदीय समिति गठन गर्न माग गरेका हुन् ।

‘उक्त टेलिफोन संवादमा कोर टिमलाई २ करोड बुझाउनुपर्ने बताइएको छ । त्यो कोर टिम भनेको को हो ? यसबारे छानबिन गर्नुपर्छ,’ उनले भने, ‘यसका लागि आजकै बैठकबाट संसदीय समिति गठन गरियोस् ।’

साथै उनले नेपालीलाई भुटानी शरणार्थी बनाउने गिरोहबारे पनि छानबिन गर्नुपर्ने बताए । यस कार्यमा जोसुकै संलग्न भएपनि कारबाही गर्नुपर्ने उनको माग छ ।

प्रकाशित मिति: सोमबार, चैत २७, २०७९ १४:४७

प्रतिक्रिया दिनुहोस्