बैतडीमा जिप दुर्घटना, एकै गाउँका ६ जनाको घटनास्थलमै मृत्यु

स्वास्थ्य

गृहपृष्ठ
स्वास्थ्य
बैतडीमा जिप दुर्घटना, एकै गाउँका ६ जनाको घटनास्थलमै मृत्यु

बैतडीमा जिप दुर्घटना, एकै गाउँका ६ जनाको घटनास्थलमै मृत्यु

बुधबार, चैत २९, २०७९ बागेश्वरी पोस्ट

नेपालगन्ज । बैतडीमा भयंकर जिप दुर्घटना हुँदा ६ जनाको घटनास्थलमै मृत्यु भएको छ ।

बैतडीको झुलाघाटबाट बझाङको बाग्थलातर्फ जाँदै गरेको से १ ज ७६४ नम्बरको जिप पाटन नगरपालिका ८ मा गएराति जिप दुर्घटना हुँदा ६ जनाको घटनास्थलमै मृत्यु भएको हो । दुर्घटनामा परी बझाङको एकै गाउँका छ जनाको ज्यान गएको प्रहरीले जनाएको छ ।

प्रहरीका अनुसार मृत्यु हुनेमा बझाङको केदारस्युँ गाउँपालिका ५ बाँझ गाउँका ६० वर्षीय मने बोहरा, सोही ठाउँका ४२ वर्षीय नरे बोहरा, ३५ वर्षीय गोरख बोहरा, ४५ वर्षीय मानबहादुर धामी, ४५ वर्षीय बिर्ख धामी र ४० वर्षीय बिरे धामी रहेका छन् ।

मृतकहरु सबै एउटै गाउँका हुन् । गएराति ११ बजेतिर दुर्घटना भएको थियो । जिप सडकबाट करिब ५ सय मिटर तल खसेको थियो । जिपका चालक फरार छन् । जिपमा सवार अन्य पाँच जनाले हाम फालेर ज्यान जोगाएका छन् ।

मृतकहरू भारतको पिथौरागढबाट विसु पर्व मनाउँन घर फर्किने क्रममा दुर्घटनामा परेको बताइएको छ । घटनाबारे जिल्ला प्रहरी कार्यालय बैतडीले अनुसन्धान सुरु गरेको छ ।

प्रकाशित मिति: बुधबार, चैत २९, २०७९ ०७:२९

प्रतिक्रिया दिनुहोस्