सगरमाथामा ३ जना शेर्पा आरोही बेपत्ता

समाचार

गृहपृष्ठ
समाचार
सगरमाथामा ३ जना शेर्पा आरोही बेपत्ता

सगरमाथामा ३ जना शेर्पा आरोही बेपत्ता

बुधबार, चैत २९, २०७९ बागेश्वरी पोस्ट

नेपालगन्ज । हिम पहिरोमा ३ जना शेर्पा आरोही सगरमाथामा बेपत्ता भएका छन् । पर्यटन विभागले जनाएअनुसार ३ जना आरोही आज बिहान साढे ९ बजेदेखि बेपत्ता भएका हुन्।

विभागका अनुसार हराइरहेका आरोहीमा दा छिरी शेर्पा, लाक्पा टेण्डी शेर्पा र लाक्पा रिता शेर्पा हुन् । उनीहरु बेस क्याम्पबाट क्याम्प वानको बीचमा बेपत्ता भएको बराइएको छ।

बेपत्ता आरोहीहरुको सिम्रिक एयरको हेलिकप्टरमार्फत खोजी कार्य भइरहेको छ । उनीहरुको उद्धारका लागि स्थलमार्गबाट समेत टोली परिचालन गरिएको छ ।

सगरमाथा आरोहणलाई सहज बनाउनका लागि बाटो बनाउने तथा अत्यावश्यक सामान लैजाने काम जारी रहेको बेला ती बेपत्ता आरोहीहरु आफ्न कम्पनीका व्यावसायिक आरोहीको सामान ओसारपसारमा खटिएको बताइएको छ। ऊनीहरुको खोजी कार्य जारी छ।

प्रकाशित मिति: बुधबार, चैत २९, २०७९ १५:५९