शेखर-गगन समूहका नेताहरुको गम्भीर छलफल

राजनीति

गृहपृष्ठ
राजनीति
शेखर-गगन समूहका नेताहरुको गम्भीर छलफल

शेखर-गगन समूहका नेताहरुको गम्भीर छलफल

बिहीबार, चैत ३०, २०७९ बागेश्वरी पोस्ट

काठमाडौं । नेपाली कांग्रेसको संस्थापन इतरको शेखर–गगन समूह गम्भीर छलफलमा बसेको छ । डा. शेखर कोइरालाको सम्पर्क कार्यालयमा बसेको छलफलमा नेताहरुले समसामयिक विषयमा छलफल गरिरहेका छन् ।

महामन्त्री गगनकुमार थापाले आफ्ना भनाइहरु राखिसकेका छन् । खासगरी सरकारमा अझै यो समूहको सहभागीता हुन सकेको छैन ।

कांग्रेसले पाएका आठ मन्त्रालयमध्ये चार जनामात्र सभापति शेरबहादुर देउवाले मन्त्री बनाएका छन् । संस्थापन इतरबाट कम्तीमा तीन जना मन्त्री बनाउनु पर्छ भनिरहँदा उनले अहिलेसम्म नामै मागेका छैनन् ।

नियमित भेटघाट भनेर छलफल गरिएको भए पनि सबै विषयमा कुुरा उठिरहेको एक नेताले बताएका छन् । अब कसरी अगाडि बढ्ने भन्ने बारेमा गगनले प्रस्ताव प्रस्तुत गरेपछि सोही विषयमा आधारित रहेर नेताहरुले विचार राख्ने क्रम चलिरहेको छ ।

संस्थापनले हरेक विषयमा यो समूहलाई पेलिरहेको भन्दै गम्भीर छलफल भइरहेको हो । बैठकमा शेखरसँगै उपसभापति धनराज गुरुङ, महामन्त्री गगनसँगै सहमहामन्त्रीहरु बद्री पाण्डे, जीवन परियारसँगै सांसदहरु सहभागी रहेका छन् ।

अहिलेसम्म सभापतिले केन्द्रीय समितिको बैठक समेत नडाकेको भन्दै आलोचना भइरहेको छ ।

प्रकाशित मिति: बिहीबार, चैत ३०, २०७९ ११:१२

प्रतिक्रिया दिनुहोस्