शेखर-गगन समूहले पायो तीन मन्त्री र एक राज्यमन्त्री

राजनीति

गृहपृष्ठ
राजनीति
शेखर-गगन समूहले पायो तीन मन्त्री र एक राज्यमन्त्री

शेखर-गगन समूहले पायो तीन मन्त्री र एक राज्यमन्त्री

बिहीबार, चैत ३०, २०७९ बागेश्वरी पोस्ट

काठमाडौं । नेपाली कांग्रेसका शेखर–गगन समूहले तीन मन्त्री र एक राज्यमन्त्री पाउने भएको छ ।

आज बिहान बसेको शेखर समूहको बैठकमा नेता कोइरालाले आफ्नो समूहले तीन मन्त्री र एक राज्यमन्त्री पाउने जानकारी गराएका हुन् । सोही क्रममा उनले उपनिर्वाचनपछि मात्रै सरकारमा सहभागी हुने बताए ।

उनले आफूहरुले तीन मन्त्री र एक राज्यमन्त्री पाउनुपर्छ र पाइन्छ भनेको बैठकमा सहभागी एक नेताले बताए ।

कांग्रेसभित्र सभापति शेरबहादुर देउवा र शेखर–गगन समूहमा मन्त्री कसलाई बनाउने भन्ने विषयमा छलफल भइरहेको छ ।

गत ११ पुसमा प्रधानमन्त्री बनेको प्रचण्डले हालसम्म सरकारलाई पूर्णता दिन नसक्दा आलोचित हुँदै आएका छन् ।

यसअघि यो समूहलाई जम्मा दुई जनामात्र मन्त्री दिने भनेपछि नामै सभापति शेरबहादुर देउवालाई पठाएका थिएनन् । प्रचण्ड नेतृत्वको सरकारमा अहिलेसम्म आठमध्ये चार जनामात्र मन्त्री भएका छन् ।

शेखर समूहले सिधै प्रधानमन्त्री प्रचण्डसँग पनि वार्ता गर्दै आएको छ ।

प्रकाशित मिति: बिहीबार, चैत ३०, २०७९ ११:२८

प्रतिक्रिया दिनुहोस्