सगरमाथामा बेपत्ता भएका तीन शेर्पा आरोहीको अवस्था अझै अज्ञात, खोजी कार्य जारी

समाचार

गृहपृष्ठ
समाचार
सगरमाथामा बेपत्ता भएका तीन शेर्पा आरोहीको अवस्था अझै अज्ञात, खोजी कार्य जारी

सगरमाथामा बेपत्ता भएका तीन शेर्पा आरोहीको अवस्था अझै अज्ञात, खोजी कार्य जारी

बिहीबार, चैत ३०, २०७९ बागेश्वरी पोस्ट

नेपालगन्ज । सगरमाथामा हिजोदेखि बेपत्ता भएका तीन जना शेर्पा आरोहीको खोजी तथा उद्धार कार्य जारी रहेको छ ।

सगरमाथा आरोहणका लागि बाटो निर्माण गर्न आवश्यक सामग्री पुर्याउने क्रममा हिमपहिरोमा परी बेपत्ता भएका तीन आरोहीको अवस्था अझै अज्ञात रहेको पर्यटन विभागले जनाएको छ ।

विभागका महानिर्देशक होमप्रसाद लुइटेलका अनुसार हेलिकप्टर र स्थलगत मार्गबाट बेपत्ताको तीव्ररूपमा खोजतलास भइरहेको छ । “हिम पहिरोमा पुरिएकाको खोज तथा उद्धार कार्य निकै कठिन हुन्छ, अहिलेसम्म थप विवरण आएको छैन, विभागले सरोकारवाला निकायसँग समन्वय गरी खोजी गरिरहेको छ”, उनले भने ।

सगरमाथा आरोहणका लागि बाटो निर्माण गर्न आवश्यक सामग्री पुर्‍याउने क्रममा सगरमाथाको आधार शिविरदेखि माथि क्याम्प–१ को बीचमा आइसफल क्षेत्रको दाम भन्ने स्थानमा हिउँको ढिस्कोले पुरिएर दाछिरी शेर्पा, पेम्वा तेन्जिङ शेर्पा र लाक्पा रीता शेर्पा बेपत्ता भएका छन् ।

खुम्बु पासाल्हामु गाउँपालिका–५ निवासी तीनै जना इमाजिन नेपाल ट्रेक एण्ड एक्सपिडिसन प्रालिका तर्फबाट खटिएका थिए ।

स्थानीय प्रशासन, सगरमाथा प्रदूषण नियन्त्रण समिति, हिमालयन उद्धार सङ्घ, इमाजिन एक्सिपिडिसन कम्पनी र पर्वतारोहण सञ्चालक सङ्घ नेपालसँगको सहकार्यमा खोजी भइरहेको विभागले ज्ञिप्तिमार्फत जनाएको छ ।

प्रकाशित मिति: बिहीबार, चैत ३०, २०७९ १३:४२

प्रतिक्रिया दिनुहोस्