सिंहदरबार अरु पालिकामा सार्न बालेनले दिए धम्कीपूर्ण अभिव्यक्ति

राजनीति

गृहपृष्ठ
राजनीति
सिंहदरबार अरु पालिकामा सार्न बालेनले दिए धम्कीपूर्ण अभिव्यक्ति

सिंहदरबार अरु पालिकामा सार्न बालेनले दिए धम्कीपूर्ण अभिव्यक्ति

बिहीबार, चैत ३०, २०७९ बागेश्वरी पोस्ट

फाइल फोटो

नेपालगन्ज । आफूलाई सुप्रीम ठान्दै काठमाडौं महानगरपालिकाका मेयर वालेन्द्र साह (बालेन) ले काठमाडौंवासीको हितमा काम नगर्ने भए प्रमुख प्रशासननिक केन्द्र सिंहदरबार अन्यत्र सार्न संघीय सरकारलाई भनेका छन् ।

आफ्नो कार्यमा संघीय सरकारले असहयोग गरेको भन्दै काठमाडौं महानगरले सिंहदरबार सहितका स्थानको फोहर उठाएको छैन । यसपछि बसेको मन्त्रिपरिषद् बैठकले काठमाडौं महानगर मेयर साहको अभिव्यक्ति गैरजिम्मेवार रहेको र आफ्नो जिम्मेवारी पूरा गर्न भनेको थियो ।

यसपछि बिहीबार सामाजिक सञ्जाल फेसबुकमार्फत उनले काठमाडौंवासीको हितमा काम नगर्ने भए सिंहदरवार अरु पालिकामा सार्न भनेका हुन् ।

काठमाडौंवासीलाई राजनीतिक नचाहिएको भन्दै उनले काठमाडौंवासीलाई आफ्नो सम्पदा, संस्कृति, कला, सभ्यता चाहिने बताए ।

काठमाडौंको हितमा काम गर्न र नगर्ने भए सिंहदरबार नै सार्न भन्दै साहले फेसबुकमा लेखेका छन्, ‘कि काठमाडौंको हितमा काम गर्नुहोस्, कि सिंहदरबार अरु पालिकामा सार्नुहोस् ।'

'हामी काठमाडौंवासीलाई कुनै आपत्ति छैन, चाहे सिंहदरबार सार्नुस् कि राजधानी सार्नुस् । हामीलाई हाम्रो सम्पदा, संस्कृति, कला, सभ्यता चाहिन्छ, राजनीति हैन ।’