नयाँ वर्ष मनाउन गएका एक युवाको भुतखोलामा डुबेर मृत्यु

समाचार

गृहपृष्ठ
समाचार
नयाँ वर्ष मनाउन गएका एक युवाको भुतखोलामा डुबेर मृत्यु

नयाँ वर्ष मनाउन गएका एक युवाको भुतखोलामा डुबेर मृत्यु

शुक्रबार, वैशाख १, २०८० बागेश्वरी पोस्ट

भुतखोला झरना

नेपालगन्ज । नयाँ वर्ष मनाउनका लागि पाल्पा गएका एक युवाको भुतखोलामा डुबेर मृत्यु भएको छ ।

रूपन्देहीस्थित सिद्धार्थनगर नगरपालिका वडा नम्बर १ बेलहियाका ३० वर्षीय शिभम जैसवालको पाल्पाको भुतखोलामा डुबेर मृत्यु भएको प्रहरी चौकी दोभानले जनाएको छ ।

प्रहरीका अनुसार घुमघामको लागि आज बिहान साढे १० बजे साथीहरूसँगै पाल्पाको तिनाउ गाउँपालिका वडा नम्बर ३ झुम्सास्थित भुतखोलामा पुगेका जैसवाल ढुंगामा चिप्लिएर खोलामा खसेका थिए ।

पोखरीमा खस्नेबित्तिकै उद्धार गरिए पनि उपचारका लागि बुटवलको लुम्बिनी प्रादेशिक अस्पताल ल्याउँदै गर्दा उनको बाटोमा नै मृत्यु भएको प्रहरीले जानकारी दिएको छ ।

हरेक वर्ष सिद्धार्थ राजमार्गको छेउमा रहेको उक्त भुतखोलामा नुहाउने क्रममा मानिसको मृत्यु हुने गरेको छ । प्रहरीले घटनाबारे अनुसन्धान गरिरहेको जनाएको छ ।

प्रकाशित मिति: शुक्रबार, वैशाख १, २०८० १८:५८

प्रतिक्रिया दिनुहोस्