विजय नजीकै अमीत .....

राजनीति

गृहपृष्ठ
राजनीति
विजय नजीकै अमीत .....

विजय नजीकै अमीत .....

बिहीबार, माघ ९, २०७६ बागेश्वरी पोस्ट

हँसीलो मुहार, फुर्तिलो शरिर, साथीभाईबीच सहज घुलमील – अमित कुमार बस्नेतको प्रथम परिचय हो ।

बस्नेत, माघ ११ गते हुने नेपालगन्ज उद्योग बाणिज्य संघको निर्वाचनका लागि साझा प्रजातान्त्रिक उद्योगी व्यावसायी समूहको बाणिज्य उपाध्यक्ष उम्मेदवार हुन् । नेपालगन्ज उपमहानगरपालिका– १० निवासी बस्नेत सुर्खेतरोडस्थित मानसरोवर इन्टरप्राइजेज फर्मका सञ्चालन पनि हुन् ।

व्यवसायसँगै सामाजिक सेवामा समेत सक्रिय अमित सहयोगी र मिजाशीलो व्यवसायीका रुपमा चिनिन्छन् । यती बेला बजारमा हात जोडेर मत मागीरहदा मतदाताहरुले अमीतलाई जितको शुभकामना मात्र हैन, अग्रीम बधाई पनि दिन थालीसकेका छन् । चर्चित युवा व्यवसायी बस्नेत यस अघि पनि सोही पदमा झिनो मतान्तरले पछि परेका थिए तर यसपाली उनको विजयलाई कसैले रोक्न नसक्ने चर्चा वजारमा छ ।

पदका लागि मात्र नभई संघमा पुगेर केही विशेष गरौं भन्ने भावना मात्र छैन –उनमा, त्यो आँट र विश्वास पनि छ । युवा पुस्ताका प्रेरक व्यवसायी अमित छोटो समयमै आफुलाई अब्बल र सफल व्यवसायीको रुपमा चिनाउन सफल भएका छन् । बिविएससम्मको अध्ययन गरेका अमितले २०५८ सालदेखि मदिरा व्यवसाय सञ्चालन गर्दै आएका छन् । उनले विभिन्न व्यवसायीक संगसंगठनहरुमा कुशलतापुर्वक नेतृत्वदायी भूमिका निर्वाह गरिसकेका छन् । नेपालगन्ज वितरक संघका अध्यक्ष समेत रहेका अमित मदिरा व्यवसायी संघका बरिष्ठ सल्लाहाकार समेत हुन् ।

अमीत लायन्स क्लव १६÷१७ का अध्यक्ष, रोटर क्लव अफ नेपालगन्जका सदस्य, नेपालगन्ज एजुकेशनल फाउण्डेसका संस्थापकलगायतका विभिन्न सामाजिक संघसंस्थामा आवद्ध छन् । व्याडमिन्टनका राम्रा खेलाडी अमितको खेलकुद क्षेत्रमा पनि उत्तिकै लगाव र रुचि छ । बाँके जिल्ला व्याडमिन्टन संघका सदस्य र बाँके जिल्ला भारोत्तलन संघका सदस्य समेत रहेका अमीत खेलकुदसँग उद्योगी व्यवसायीलाई पनि जोडन चाहन्छन् ।

स्वाथ्यका लागि खेलकुद जरुरी रहेझैं उद्योग व्यवसाय प्रवद्र्धनका लागि पनि स्वस्थ स्वास्थ्य झनै आवश्कीय भएको उनको ठम्याई छ । उनको उम्मेदवारीलाई यूवा पुस्ताको उम्मेदवारीका रुपमा पनि अर्थयाइएको छ । संघमा युवा पुस्ताको प्रतिनीधीत्व मात्र हैन, अब नेतृत्व चाहन्छन् –उनी । आफनो उम्मेदवारीको प्रसंगमा उनले भने– सबैले फेरी पनि मत दिन चाहेको बताएपछि सो भावनाको कदर गरेको हुँ ।

हुन पनि स्थिती यस्तो बनीरहेको छ की, धेरैको प्रतिक्रिया छ – अमीतजीले त जीती सक्नु भाछ, केवल औपचारिक परिणाम आउन मात्र बाँकी छ । तर पनि उनी यो कुरालाई भन्दा बढ्ता टिम विजयमा जोड दिन्छन् । विचार र टिम स्प्रिट बीना काम गर्न सकस हुने भएकाले मतदातालाई उनको अपील छ – साझा प्रजातान्त्रिक उद्योगी व्यवसायीको पुरै टिमलाई जिताउनुस् ।

प्रकाशित मिति: बिहीबार, माघ ९, २०७६ १८:०२