भीरबाट लडेर हजुरआमा र नातिनीको मृत्यु

स्वास्थ्य

गृहपृष्ठ
स्वास्थ्य
भीरबाट लडेर हजुरआमा र नातिनीको मृत्यु

भीरबाट लडेर हजुरआमा र नातिनीको मृत्यु

शनिबार, वैशाख २, २०८० बागेश्वरी पोस्ट

नेपालगन्ज । भीरबाट लडेर हजुरआमा र नातिनीको मृत्यु भएको छ ।

दार्चुलास्थित मार्मा गाउँपालिका वडा नं. १ घोल्जारमा लागेको बिशु जात्राबाट फर्कने क्रममा भीरबाट लडेर उनीहरुको मृत्यु भएको जिल्ला प्रहरी कार्यालय दार्चुलाले जनाएको छ ।

प्रहरीका अनुसार मार्मा गाउँपालिका वडा नं. १ ताकुकी ५१ वर्षीया कटुमा देवी ठगुन्ना र उनकि नातिनी २ वर्षीया सोनिया धामीको भीरबाट लडेर मृत्यु भएको हो ।

नयाँ वर्षमा लाग्ने जात्रा हेरेर फर्किने क्रममा शुक्रबार बेलुकी हजुरआमा र नातिनी सुङ्र भीरमा लडेर बेपत्ता भएका थिए । उनीहरुको शव आज दिउँसो भेटिएको जिल्ला प्रहरी कार्यालय दार्चुलाले जनाएको छ ।

प्रहरीले घटनाको बारेमा थप अनुसन्धान भइरहेको जनाएको छ ।

प्रकाशित मिति: शनिबार, वैशाख २, २०८० १९:४०