आज मन्त्रिपरिषद् विस्तार हुँदै, एनपी साउद परराष्ट्रमन्त्रीमा सपथ लिँदै

राजनीति

गृहपृष्ठ
राजनीति
आज मन्त्रिपरिषद् विस्तार हुँदै, एनपी साउद परराष्ट्रमन्त्रीमा सपथ लिँदै

आज मन्त्रिपरिषद् विस्तार हुँदै, एनपी साउद परराष्ट्रमन्त्रीमा सपथ लिँदै

आइतबार, वैशाख ३, २०८० बागेश्वरी पोस्ट

फाइल फोटो

नेपालगन्ज । आज प्रधानमन्त्री पुष्पकमल दाहाल प्रचण्डले आठौं पटक मन्त्रिपरिषद् विस्तार गर्दैछन् ।

आज नेपाली कांग्रेसबाट केन्द्रीय सदस्य समेत रहेका एनपी साउद परराष्ट्रमन्त्रीमा नियुक्त हुँदैछन् । नियुक्ति पश्चात् उनले आजै दिउँसो ३ बजे सपथ लिनेछन् । साउद मन्त्री बनेसँगै कांग्रेसबाट सरकारमा ५ जना मन्त्री सहभागी हुनेछन् ।

यसअघि कांग्रेसबाट ४ जना मन्त्री बनिसकेका छन् । कांग्रेसबाट पुर्ण बहादुर खड्का, प्रकाश शरण महत, रमेश रिजाल र सीता गुरुङ यसअघि नै मन्त्री भइसकेका छन् ।

सत्ता साझेदार दलबीच भएको मन्त्रालय भागवण्डा सहमति अनुसार कांग्रेसले पाएको ८ मन्त्रालयमा अब अझै ३ मन्त्री सरकारमा जानेछन् । कांग्रेसबाट मन्त्री बनिसकेकाहरु सबै सभापति शेरबहादुर देउवा समूहका हुन् । परराष्ट्रमन्त्री बन्न लागेका साउद पनि देउवा समूहका हुन् ।

कांग्रेसबाट अब शेखर कोइराला समूहका ३ जना मन्त्री बन्नेछन् । तर, शेखर समूहबाट को- को मन्त्री बन्ने भन्ने टुंगो लागिसकेको छैन । शेखर समूहका एक नेताका अनुसार अब कांग्रेसले ३ मन्त्रालय र १ राज्यमन्त्री पाउनेछ । बाँकि मन्त्रीहरु बैशाख १० को उपनिर्वाचनपछि नै सरकारमा जाने ती नेताले बताए ।

प्रकाशित मिति: आइतबार, वैशाख ३, २०८० ०७:३०

प्रतिक्रिया दिनुहोस्