उच्च अदालतले थुन्ने आदेश दिए लगत्तै सिद्धबाबा फरार

समाचार

गृहपृष्ठ
समाचार
उच्च अदालतले थुन्ने आदेश दिए लगत्तै सिद्धबाबा फरार

उच्च अदालतले थुन्ने आदेश दिए लगत्तै सिद्धबाबा फरार

शुक्रबार, माघ १०, २०७६ बागेश्वरी पोस्ट

बिराटनगर। उच्च अदालतले थुनामा राख्ने आदेश दिए लगत्तै सिद्धबाबा फरार भएका छन् ।

आफ्नै अनुयायीमाथि बलात्कार गरेको मुद्दा खेपिरहेका चताराधामका सिद्धबाबा भनिने कृष्णदास गिरीलाई उच्च अदालत विराटनगरले पुर्पक्षका लागि थुनामा पठाउने आदेश गरेको छ।

मुख्यन्यायाधीश तिलप्रसाद श्रेष्ठ र न्यायाधीश प्रेमराज कार्कीको इजलासले बिहीबार उनलाई थुनामा पठाउने आदेश गरेको हो। यसअघि जिल्ला अदालत सुनसरीले गिरीलाई तीन लाख धरौटीमा छोड्न आदेश दिएको थियो। उच्च अदालतले उक्त आदेश बदर गर्दै उनलाई पूर्पक्षका लागि थुनामा पठाउन भनेको थियो।

तर उच्च अदालतको आदेश आउनु केही घन्टाअघि नै गिरी भने भारत पसिसकेका थिए।मुद्दाको सुनुवाइ बिहीबार दिउँसो १ बजे उनी ग१च ८१५७ नम्बरको पजेरो चढेर जोगबनीबाट पारि गएका हुन्। बडिगार्ड प्रहरी हवल्दार मुकेश साहलाई ‘केही काम छ तपाईं यहीँ बस्दै गर्नुहोला’ भनेर नेपालपट्टि ओर्लाएर कृष्णदास भारत गएको मोरङ प्रहरीले जनाएको छ।

प्रकाशित मिति: शुक्रबार, माघ १०, २०७६ ११:४२