मिटरब्याज पीडितले मागे गृहमन्त्रीको राजीनामा

राजनीति

गृहपृष्ठ
राजनीति
मिटरब्याज पीडितले मागे गृहमन्त्रीको राजीनामा

मिटरब्याज पीडितले मागे गृहमन्त्रीको राजीनामा

मंगलबार, वैशाख ५, २०८० बागेश्वरी पोस्ट

नेपालगन्ज । मिटरब्याजी विरुद्धको संघर्षका क्रममा प्रहरीले अमानवीय र दमनको व्यवहार देखाएको भन्दै पीडितहरुले आपत्ति जनाएका छन् ।

सोमबार पहिले प्रहरीले ढुङ्गा प्रहार गरेको एक पीडितले बताएका छन् । पीडित घाइतेहरुलगायत सम्पूर्ण मिटरब्याज पीडितको उपस्थितिमा पत्रकार सम्मेलन भएको थियो ।

यता, मिटरब्याज पीडितहरुले गृहमन्त्री नारायणकाजी श्रेष्ठको राजीनामा माग समेत गरेका छन् । प्रहरीको लाठी प्रहारबाट घाइते समेत भएका उनीहरुले चर्को नाराबाजी गर्दै माइतीघरमा प्रदर्शन गरेका हुन् ।

आफूहरूको माग सम्बोधन गर्नुको साटो गृहमन्त्रीले प्रहरी प्रशासन लगाएर दमन गरेकाले त्यसको विरोधमा प्रदर्शन गर्नुपरेको उनीहरूको भनाई छ ।

सोमबार काठमाडौंको शान्ति बाटिकामा प्रहरीसँगको झडपमा परी उनीहरु घाइते भएका थिए । मिटरब्याजीविरुद्ध किसान–मजदूर संघर्ष समितिका संयोजक अवधेश कुशवाहले शान्तिपूर्ण आन्दोलनमा रहेकालाई सरकारले दमन गरेको भन्दै आपत्ति जनाए ।

प्रकाशित मिति: मंगलबार, वैशाख ५, २०८० १३:१८