प्रधानन्यायाधीश नियुक्तिका लागि बसेको संवैधानिक परिषदको बैठक बिना निष्कर्ष टुंगियो

राजनीति

गृहपृष्ठ
राजनीति
प्रधानन्यायाधीश नियुक्तिका लागि बसेको संवैधानिक परिषदको बैठक बिना निष्कर्ष टुंगियो

प्रधानन्यायाधीश नियुक्तिका लागि बसेको संवैधानिक परिषदको बैठक बिना निष्कर्ष टुंगियो

बुधबार, वैशाख ६, २०८० बागेश्वरी पोस्ट

नेपालगन्ज । संवैधानिक परिषदको आज बिहान सिंहदरबारमा बसेको बैठक बिना निष्कर्ष टुंगिएको छ ।

प्रधानन्यायाधीश नियुक्तिका लागि सिंहदरबारमा बसेको उक्त बैठकका बारेमा जानकारी दिँदै राष्ट्रिय सभा अध्यक्ष गणेश प्रसाद तिमिल्सिनाले प्रधानन्यायाधीश नियुक्तिबारे छलफल भएको तर कुनै निर्णय भने हुन नसकेको बताए ।

उनका अनुसार अर्को बैठक कहिले बस्छ त्यो पनि टुंगो नभएको उनले जानकारी दिए । तत्कालीन प्रधानन्यायाधीश चोलेन्द्रशमशेर राणाको महाभियोगको क्रममा अनिवार्य अवकाशमा गएपछि २७ मंसिर २०७९ देखि सर्वोच्च अदालतमा प्रधानन्यायाधीश पद रिक्त छ । हाल कायममुकायम प्रधानन्यायाधीश हरिकृष्ण कार्की छन् ।

कायममुकायम प्रधानन्यायधीश कार्कीलाई नै नियुक्ति गर्ने कि अरुलाई भन्ने बारेमा छलफल भए पनि अन्यको नाम भने सार्वजनिक गरिएको छैन । यद्यपि नेकपा माओवादी केन्द्रका अध्यक्ष पुष्पकमल दाहाल प्रचण्ड प्रधानमन्त्रीमा नियुक्त भएपछि पहिलो पटक संवैधानिक परिषदको बैठक बसेको हो ।

प्रधानमन्त्री प्रचण्डको अध्यक्षतामा बसेको बैठकमा विपक्षी दलका नेता केपी शर्मा ओली, सभामुख देवराज घिमिरे, राष्ट्रिय सभा अध्यक्ष गणेशप्रसाद तिमिल्सिना, उपसभामुख इन्दिरा राना र उपप्रधान तथा कानून मन्त्री पूर्णबहादुर खड्का सहभागी थिए ।

प्रकाशित मिति: बुधबार, वैशाख ६, २०८० १०:३९