उपनिर्वाचन: तीन वटै क्षेत्रमा मतदान जारी, रवि लामिछानेले भोट हाल्न पाएनन्

राजनीति

गृहपृष्ठ
राजनीति
उपनिर्वाचन: तीन वटै क्षेत्रमा मतदान जारी, रवि लामिछानेले भोट हाल्न पाएनन्

उपनिर्वाचन: तीन वटै क्षेत्रमा मतदान जारी, रवि लामिछानेले भोट हाल्न पाएनन्

आइतबार, वैशाख १०, २०८० बागेश्वरी पोस्ट

नेपालगन्ज । तीन वटै क्षेत्रमा आज बिहान ७ बजेदेखि उपनिर्वाचनजारी छ । बारा-२, चितवन-२ र तनहुँ -१ मा आज उपनिर्वाचनका लागि मतदान भइरहेको छ ।

चितवन-२ का नेपाली कांग्रेसका उम्मेदवार जितनारायण श्रेष्ठले चतुर्मुखी उच्च मावि शक्तिखोरबाट मतदान गरेका छन् ।

राष्ट्रिय स्वतन्त्र पार्टी (रास्वपा) का उम्मेदवार रवि लामिछाने र नेकपा एमालेका उम्मेदवार रामप्रसाद न्यौपानेले मतदान गर्न पाएनन् । लामिछानेको मतदाता नामावली काठमाडौंमा र न्यौपानेको नामावली चितवन-३ मा रहेका कारण उनीहरुले त्यहाँ मतदान गर्न नपाएका हुन्।

चितवन-२ मा गत मंसिर ४ को प्रतिनिधिसभा निर्वाचनमा चितवन-२ बाट निर्वाचित रास्वपा सभापति लामिछानेको नागरिकता सर्वोच्च अदालतले खारेज गरिदिएसँगै उनको सांसद पद गुमेपछि त्यहाँ उपनिर्वाचन गरिएको हो ।

त्यस्तै तनहुँ-१ बाट गत मंसिर ४ मा सम्पन्न प्रतिनिधिसभा निर्वाचनमा नेपाली कांग्रेसबाट निर्वाचित रामचन्द्र पौडेल राष्ट्रपतिमा निर्वाचित बनेपछि त्यस क्षेत्रमा उपनिर्वाचन भएको हो ।

बारा- २ मा जसपाबाट निर्वाचित रामसहायप्रसाद यादव उपराराष्ट्रपतिमा निर्वाचित भए पश्चात त्यो क्षेत्र पनि रिक्त रहेको थियो ।

प्रकाशित मिति: आइतबार, वैशाख १०, २०८० ०८:२३

प्रतिक्रिया दिनुहोस्