पाल्पामा बस दुर्घटना, एक महिलाको मृत्यु, १५ को अवस्था गम्भीर

समाचार

आइतबार, वैशाख १०, २०८० बागेश्वरी पोस्ट

नेपालगन्ज । पाल्पामा बस दुर्घटना भएको छ । जिल्लाको जोरधारामा बस दुर्घटना हुँदा एक जनाको मृत्यु भएको छ । दुर्घटनामा १५ जना गम्भीर घाइते भएका छन् ।

आज बिहान साढे ७ बजे बुटवलबाट बागलुङ जाँदै गरेको लु १ ख ६९५६ नम्बरको बस तिनाउ गाउँपालिकाको जोरधारामा दुर्घटनामा परेको हो ।

दुर्घटनामा एक जना महिलाको मृत्यु भएको जिल्ला प्रहरी कार्यालय पाल्पाले जनाएको छ । बस सडकबाट २ सय मिटर तल खसेको छ ।

दुर्घटनाका १८ घाइतेको उद्दार गरिएको छ भने उनीहरुको पाल्पा र बुटवलमा उपचार हुँदैछ । ती मध्ये ३ को अवस्था सामान्य रहेको जनाइएको छ ।

प्रकाशित मिति: आइतबार, वैशाख १०, २०८० ११:३५

प्रतिक्रिया दिनुहोस्