चितवन -२ मा रोकिएको मतदान पुन:सुरु

राजनीति

गृहपृष्ठ
राजनीति
चितवन -२ मा रोकिएको मतदान पुन:सुरु

चितवन -२ मा रोकिएको मतदान पुन:सुरु

आइतबार, वैशाख १०, २०८० बागेश्वरी पोस्ट

नेपालगन्ज। उपनिर्वाचन अन्तर्गत चितवन क्षेत्र-२ मा रोकिएको मतदान पुनः सुरु भएको छ। चितवनको भरतपुर महानगरपालिका वडा नम्बर ११ को नयाँ किरण माविमा मतदान सुरू भएको हो।

सर्वदलीय बैठकपछि मतदान सुरू गर्ने निर्णय भएको हो।त्यहाँ साँढे ३ घन्टा मतदान रोकिएको थियो।

राष्ट्रिय स्वतन्त्र पार्टी (रास्वपा)का सभापतिसमेत रहेका उम्मेदवार रवि लामिछाने नयाँ किरण मावि पुग्दा समर्थकहरूले हुटिङ गरेका थिए।

मतदान केन्द्रमा हुटिङ गर्न नपाउने भन्दै अन्य दलले विरोध गरेका थिए। नेपाली सेनासहित प्रहरीले मतदान केन्द्रमा कडा सुरक्षा व्यवस्था मिलाएको छ। मतदान केन्द्रको ३ सय मिटर वरपर क्षेत्रमा कडा सुरक्षा व्यवस्था मिलाउने पनि सहमति भएको छ।

साथै आचारसंहिता मिचेकोमा माफी माग्ने निर्णयसमेत भएको छ। लामिछाने समर्थकले मतदान केन्द्रमा घन्टी बजाउँदै हिँडेको आरोप पनि छ।

मतदान अधिकृत कमला न्यौपानेसहित सर्वदलीय बैठकमा उम्मेदवार लामिछानेले आचारसंहिता उल्लङ्घन गरेको ठहरसमेत भएको छ।

प्रकाशित मिति: आइतबार, वैशाख १०, २०८० १५:३४

प्रतिक्रिया दिनुहोस्