चितवन-२ मा आज दिउँसो १ बजेदेखि मतगणना

राजनीति

गृहपृष्ठ
राजनीति
चितवन-२ मा आज दिउँसो १ बजेदेखि मतगणना

चितवन-२ मा आज दिउँसो १ बजेदेखि मतगणना

सोमबार, वैशाख ११, २०८० बागेश्वरी पोस्ट

नेपालगन्ज। आइतबार सम्पन्न प्रतिनिधिसभा सदस्यतर्फको उपनिर्वाचनको मतगणनाका लागि चितवन-२ मा सर्वदलीय चर्कचकी बीच सुरु भएको बैठक अन्ततः सहमतिमा पुगेको छ।

कांग्रेस–एमालेले रास्वपाका उम्मेदवार राष्ट्रिय स्वतन्त्र पार्टीका उम्मेदवार रवि लामिछानेले निर्वाचनका दिन आचारसंहिता उल्लंघन गरेको भन्दै उनीमाथि परेको उजुरीको कारवाही नभएसम्म मतगणनामा सहमति नजुट्ने अडान राखेका थिए।

तर मतगणनास्थलमै बसेको सर्वदलीय बैठकमा रास्वपा उम्मेदवार लामिछानेले आचारसंहिता उल्लंघन गरेको भन्ने नेपाली कांग्रेसको उजुरीबारे केन्द्रमा लेखेर पठाउने, सामाजिक सन्जालमा जथाभावी लेख्नेहरुमाथि कारबाहीका लागि प्रहरीलाई भन्ने र प्रमुख जिल्ला अधिकारीको भूमिकाका बारे मुख्य निर्वाचन अधिकृतले आवश्यक निर्णय लिने सहमति समेत भएपछि मतगणना दिउँसो १ बजेबाट सुरु गर्ने सहमति भएको हो।

चितवन- २ बाट नेपाली कांग्रेसका जीतनारायण श्रेष्ठ , नेकपा एमालेका रामप्रसाद न्यौपाने र राष्ट्रिय स्वतन्त्र पार्टीबाट रवि लामिछाने उम्मेदवार छन् ।

प्रकाशित मिति: सोमबार, वैशाख ११, २०८० ११:३९

प्रतिक्रिया दिनुहोस्