जनता माबि खजुराका पुर्व विद्यार्थीहरुद्वारा भेटघाट कार्यक्रमको आयोजना

समाचार

गृहपृष्ठ
समाचार
जनता माबि खजुराका पुर्व विद्यार्थीहरुद्वारा भेटघाट कार्यक्रमको आयोजना

जनता माबि खजुराका पुर्व विद्यार्थीहरुद्वारा भेटघाट कार्यक्रमको आयोजना

आइतबार, माघ १२, २०७६ बागेश्वरी पोस्ट

नेपालगन्ज ।जनता माद्यामिक बिधालय खजुराका पुर्व विद्यार्थीहरुले भेटघाट कार्यक्रम गरेका छन् ।

बाँके खजुरा सन्टकुटी स्थित जनता माबिबाट २०४९ सालमा एसएलसी दिएका विद्यार्थीहरुले बिछोड भएका आफ्ना पुराना साथीहरु सग नेपालगन्जको सुनाखरी रेस्टुरेन्टमा शनिबार भेटघाट कार्यक्रम गरेको सोही ब्याचका विद्यार्थी घनश्याम शर्माले बताए।

२७ बर्ष अघि बिछोड भएर आ- आफ्नो कर्मथलोमा होमिएका सबै विद्यार्थी साथीहरुलाई पुनः भेटघाट गराउने उदेश्यका २०४९ ब्याचका घनश्याम शर्मा,तोजेन्द्र बिसी, प्रेम खत्री र डम्बर न्युपानेको संयुक्त आयोजनामा भेटघाट कार्यक्रम राखिएको हो।

भेटघाट कार्यक्रममा ब्याचका ४६ जना विद्यार्थीहरुको उपस्थिति रहेको शर्माले बताए। बर्षौ सम्म बिछोड भएका आफ्ना साथीहरु सग भेटघाट गर्न पाएकोमा सबैलाई बाल्यकालको याद दिलाएको उपस्थित सबैले बताए।

२०४९ ब्याचमा १४६ जना रहेकोमा ४६ जना उपस्थित हुँदा पनि निकै आनन्दित भएको र अबका दिनमा यसरी नै सबै साथीहरुलाई बोलाएर भेटघाट कार्यक्रम गरि सम्बन्धलाई ताजा बनाइराख्ने शर्माले बताए।शर्मा सुनाखरी रेस्टुरेन्टका प्रबन्ध निर्देशक हुन्।

प्रकाशित मिति: आइतबार, माघ १२, २०७६ ०८:५०

प्रतिक्रिया दिनुहोस्