इन्जिनमा आगो लागेको फ्लाई दुबईको जहाजले नयाँ दिल्ली पार गर्यो

समाचार

गृहपृष्ठ
समाचार
इन्जिनमा आगो लागेको फ्लाई दुबईको जहाजले नयाँ दिल्ली पार गर्यो

इन्जिनमा आगो लागेको फ्लाई दुबईको जहाजले नयाँ दिल्ली पार गर्यो

सोमबार, वैशाख ११, २०८० बागेश्वरी पोस्ट

नेपालगन्ज । सोमबार बेलुकी ९ बजेर २१ मिनेटमा दुबईका लागि उडेको जहाजमा एक्कासी आगो लागेको फ्लाइ दुबईको एफजेट ५७६ नम्बरको जहाज अहिले भारतको राजधानी नयाँ दिल्ली पार गरेको छ।

फ्लाइट राडारका अनुसार राति पौने ११ बजे विमान ३४ हजार फिट माथि भारतको नयाँदिल्लीको आकाशमा उडिरहेको थियो।

उड्नेबित्तिकै जहाजमा आगोको ज्वाला देखिएर पड्केको आवाज आएको थियो। समस्या आएको थाहा भएपछि पाइलटले जहाज धार्केमा लगेर होल्ड गरेका थिए।

त्रिभुवन अन्तर्राष्ट्रिय विमानस्थलका महानिर्देशक प्रदीप अधिकारीका अनुसार पाइलटले धार्केमा पुगेर जहाजको निरीक्षण गरेका थिए।

धार्केमा केहीबेर होल्ड गरेर पाइलटले जहाजको परीक्षण गरेका थिए। सबै नर्मल छ भनेपछि गन्तव्यतर्फ उडेको हो, महानिर्देशक अधिकारीले भने, 'पाइलटले आफ्नो जहाजको समस्या समाधान भएको र गन्तव्यमा जान लागेको जानकारी दिएर गएका हुन्।'

त्रिभुवन अन्तर्राष्ट्रिय विमानस्थलका टावर हेर्ने अधिकारीहरूले पनि जहाजमा आगो देखिएको र पड्केको भए पनि इन्जिनमा समस्या नभएको बताएका छन्। जहाज अहिले सामान्य अवस्थामा भएकाले त्यसमा सवार यात्रुका परिवार र आफन्तजनलाई चिन्ता नलिन पनि उनीहरूले आग्रह गरेका छन्।

अहिले उक्त जहाज दुबईतर्फ गइरहेको छ। जहाजमा अहिले कुनै समस्या नदेखिएको त्रिभुवन अन्तर्राष्ट्रिय विमानस्थलले जानकारी दिएको छ। उक्त जहाजमा १६९ यात्रु सवार छन्। जसमा १२० विदेशी र ४० नेपाली रहेका छन् ।

प्रकाशित मिति: सोमबार, वैशाख ११, २०८० २३:१७

प्रतिक्रिया दिनुहोस्