चितवन-२ मा रवि लामिछाने ३५ हजार बढी मतले अगाडि, जित निश्चित

राजनीति

मंगलबार, वैशाख १२, २०८० बागेश्वरी पोस्ट

नेपालगन्ज। चितवन -२ को प्रतिनिधिसभा सदस्यतर्फको उपनिर्वाचनको जारी मतगणनाको पछिल्लो मतपरिणाम अनुसार रवि लामिछानेको जीत निश्चित भइसकेको छ।

५८ हजार ८४० मत गन्दासम्म रवि लामिछानेले भारी मतानन्तरले अग्रता कायमै राखेका छन् ।

राष्ट्रिय स्वतन्त्र पार्टीका उम्मेदवार रवि लामिछानेले ४३१०१ मत ल्याउदै अग्रता कायमै राखेका छन् ।

त्यस्तै कांग्रेसका जीतनारायण श्रेष्ठले ७९५२ मत र तेस्रो स्थानमा कायमै रहेका नेकपा एमालेका रामप्रसाद न्यौपानेले ७७८७ मत प्राप्त गरेका छन् ।

चितवन- २ बाट नेपाली कांग्रेसका जीतनारायण श्रेष्ठ , नेकपा एमालेका रामप्रसाद न्यौपाने र राष्ट्रिय स्वतन्त्र पार्टीबाट रवि लामिछाने उम्मेदवार छन् ।

गत मंसिर ४ मा भएको निर्वाचन भन्दा अहिले कांग्रेस र एमालेलाई झट्का लागेको छ।

प्रकाशित मिति: मंगलबार, वैशाख १२, २०८० ०८:४१

प्रतिक्रिया दिनुहोस्