बर्तमान सरकारलाई दिएको समर्थन कायम राख्नु औचित्यपूर्ण छैन : रवि लामिछाने

राजनीति

गृहपृष्ठ
राजनीति
बर्तमान सरकारलाई दिएको समर्थन कायम राख्नु औचित्यपूर्ण छैन : रवि लामिछाने

बर्तमान सरकारलाई दिएको समर्थन कायम राख्नु औचित्यपूर्ण छैन : रवि लामिछाने

मंगलबार, वैशाख १२, २०८० बागेश्वरी पोस्ट

नेपालगन्ज । चितवन-२ को प्रतिनिधिसभा सदस्यतर्फको उपनिर्वाचनमा सत्ता गठबन्धन र नेकपा एमालेका उम्मेदवारलाई भारी मतान्तरले पराजित गर्दै विजयी बनिसकेका राष्ट्रिय स्वतन्त्र राष्ट्रिय स्वतन्त्र पार्टी (रास्वपा) का सभापति रवि लामिछानेले आफ्नो पार्टीले सरकारलाई दिएको समर्थनबारे पुनर्विचार गर्ने बताएका छन्।

चितवन-२ को खसेको कुल ७८ हजार २७७ मतमा ६२ हजार ५९६ बढी मतगणना हुँदा ३७ हजार बढी मतान्तरले अग्रता गरिरहेका रवि विजयी हुने निश्चित भएपछि आज बिहान भरतपुरमा पत्रकारहरुसँग कुरा गर्दै उनले सरकारको न्यूनतम साझा कार्यक्रममा कुनै पनि कालखण्डमा भएका भ्रष्टाचारको छानबिन गर्ने लगायत बुँदा समावेश नभएकाले सरकारलाई समर्थन दिइरहनु औचित्यपूर्ण नहुने बताएका हुन्।

सभापति लामिछानेले चुनावी माहौल सकिएपछि काठमाडौंमा फर्किएर सरकारलाई दिएको समर्थनको विषयमा छलफल गर्ने बताए। उनले भने 'सरकारमा जाने त कुरै छैन ।’

रास्वपाले बर्तमान सरकारबाट बाहिरिए पनि सरकारलाई दिएको समर्थन भने कायम राखेको छ । अब प्रतिनिधिसभामा रास्वपाका २१ सांसद हुने भएका छन् । रास्वपाका स्वर्णिम वाग्ले तनहुँ-१ बाट निर्वाचित बनिसकेका छन् ।

प्रकाशित मिति: मंगलबार, वैशाख १२, २०८० १०:१६

प्रतिक्रिया दिनुहोस्