लुम्बिनीमा बहुमतको आधारमा सरकार निर्माण गर्न गरिएको आह्वान सह्रानीयः यादव

राजनीति

गृहपृष्ठ
राजनीति
लुम्बिनीमा बहुमतको आधारमा सरकार निर्माण गर्न गरिएको आह्वान सह्रानीयः यादव

लुम्बिनीमा बहुमतको आधारमा सरकार निर्माण गर्न गरिएको आह्वान सह्रानीयः यादव

मंगलबार, वैशाख १२, २०८० बागेश्वरी पोस्ट

नेपालगन्ज । जनता समाजवादी पार्टी (जसपा) का लुम्बिनी प्रदेश अध्यक्ष अशोक यादवले लुम्बिनी प्रदेश सरकार गठनका लागि गरिएको आह्वान संविधानसम्मत भएको बताएका छन् ।

यादवले फेसबुकमा स्टाटस लेखेर प्रदेश प्रमुख अमिक शेरचनले संविधानको धारा १६८ (२) अनुसार सरकार गठनका लागि गरेको आह्वान सह्रानीय भएको उल्लेख गरेका हुन् । उनले प्रदेश प्रमुखको निर्णय लोकतान्त्रिक शासन पद्धतिको पक्षमा रहेको बताएका छन् ।

यादवले लेखेका छन्, "प्रतिगमनका मतियारहरुका बिरुद्ध हाम्रो संघर्ष जारी रहेको बेला प्रदेश प्रमुखले लोकतान्त्रिक मूल्यमान्यतालाई उच्च प्राथमिकतामा राखेर आज लुम्बिनी प्रदेश सरकार गठनका लागि बहुमतको आधारमा सरकार निर्माण गर्न गरेको आह्वान सह्रानीय छ ।" उनले गठबन्धन दलहरुलाई तत्काल बैठक बसी बहुमतको सरकार गठनको प्रक्रिया अघि बढाउन आग्रह गरेका छन् ।

उनले अगाडि लेखेका छन्, "नेकपा एमालेका सत्तालिप्त कमरेडहरु बिधि र प्रक्रियालाई आत्मसाथ गरी तत्काल राजीनामा दिँदा उपयुक्त होला । अल्पमतको सरकार हुँदाहुँदै विधि र प्रक्रियालाई मिचेर रातारात कर्मचारी भर्ती र बिभिन्न नियुक्तिहरु गरेको क्रियाकलाप खेदजनक छ ।

प्रदेश प्रमुखको निर्णय लोकतान्त्रिक शासन पद्धतिको पक्षमा रहेको छ । साथै अब निरन्तर लोकतान्त्रिक सत्ता गठबन्धन ५ बर्षसम्म टिक्ने ठोकुवा गर्दछु ।"

प्रकाशित मिति: मंगलबार, वैशाख १२, २०८० २१:३७