सभामुख पदमा नियुक्त नगर्न नेपालगञ्जमा खवरदारी

राजनीति

गृहपृष्ठ
राजनीति
सभामुख पदमा नियुक्त नगर्न नेपालगञ्जमा खवरदारी

सभामुख पदमा नियुक्त नगर्न नेपालगञ्जमा खवरदारी

आइतबार, माघ १२, २०७६ बागेश्वरी पोस्ट

नेपालगञ्ज । हत्या आरोपी व्यक्तिलाई प्रतिनीधी सभाको सभामुख पदमा नियुक्त नगर्न आज नेपालगञ्जमा खवरदारी प्रदर्शन गरिएको छ ।

विभीन्न मानवअधिकार तथा नागरिक समाजका संघ संगठन सम्मीलीत नागरिक समाज बाँकेद्धारा आज जिल्ला प्रशासन कार्यालयमा कोण सभासहित खवरदारी गरिएको हो । सरकारले द्धन्द्धकालका हत्या आरोपी अग्नी सापकोटालाई सभामुख नियक्त गर्ने प्रक्रिया बढाएपछि अहिले चौतर्फी विरोध तथा खवरदारी भइरहेको छ ।

प्रशासन कार्यालयको मूल गेटमा जम्मा भएका अधिकारकर्मी तथा नागरिक समाजका अगुवाले संविधान र कानूनको संरक्षण गर्ने दायित्व बोकेको सरकारले नै हत्याका आरोपी तथा अदालतमा विचाराधिन मुद्धाका आरोपीलाई सभामुख बनाउन नहुने तर्क गरेका थिए ।

नेपाल मानव अधिकार अधिकार संगठन बाँकेका अध्यक्ष प्रहलाद बहादुर कार्कीले सरकारले हत्या आरोपीलाई सभामुख बनाउन खोजेर लोकतन्त्र, मानवअधिकार र संवैधानिक संस्थालाई कमजोर बनाउन खाजेको दावी गर्नु भयो ।

सो कार्यक्रममा अधिकारकर्मी तथा सूचना अभियन्ता विश्वजित तिवारी, अधिवक्ता लोक बहादुर शाह, सूचना अभियन्ता तथा महिला अधिकारवादी लक्ष्मी तिवारी लगायतले सरकारको कदमको विरोध गर्दै सो प्रक्रिया सच्याउन माग गरेका थिए ।

प्रकाशित मिति: आइतबार, माघ १२, २०७६ १५:३६

प्रतिक्रिया दिनुहोस्