कांग्रेसका सुरेन्द्र पाण्डे गण्डकीको मुख्यमन्त्री नियुक्त हुँदै

राजनीति

गृहपृष्ठ
राजनीति
कांग्रेसका सुरेन्द्र पाण्डे गण्डकीको मुख्यमन्त्री नियुक्त हुँदै

कांग्रेसका सुरेन्द्र पाण्डे गण्डकीको मुख्यमन्त्री नियुक्त हुँदै

बिहीबार, वैशाख १४, २०८० बागेश्वरी पोस्ट

नेपालगन्ज । नेपाली कांग्रेसका सुरेन्द्र पाण्डे गण्डकी प्रदेश सरकारको मुख्यमन्त्री बन्दैछन् । आज गण्डकी प्रदेशमा बहुमतको सरकारमा पाण्डे मुख्यमन्त्री नियुक्त हुन लागेका हुन् ।

गण्डकी प्रदेश प्रमुख पृथ्वीमान गुरुङले संविधानको धारा १६८ को उपधारा (२) बमोजिम बहुमतको सरकार गठनका लागि आज ४ बजेसम्मको समय दिएका छन् ।

गत पुस २५ गते माओवादी, राप्रपासहितको समर्थनमा मुख्यमन्त्री नियुक्त भएका एमालेका खगराज अधिकारी सरकार वैशाख ९ गते ढलेपछि गण्डकीमा कांग्रेस- माओवादीको सरकार बन्न लागेको हो ।

गत फागुन २५ मा सम्पन्न राष्ट्रपति निर्वाचनमा सत्ता समीकरण बदलेपछि गण्डकीमा एमाले सरकारबाट माओवादी मन्त्रीले राजीनामा दिँदै चैत १० गते समर्थन फिर्ता लिएका थिए । गण्डकीमा आलोपालो कांग्रेस र माओवादीले नेतृत्व गर्ने सहमति बनेको छ ।

प्रकाशित मिति: बिहीबार, वैशाख १४, २०८० ०९:४२

प्रतिक्रिया दिनुहोस्