गण्डकी प्रदेशको मुख्यमन्त्रीमा कांग्रेस संसदीय दलका नेता पाण्डे नियुक्त

राजनीति

गृहपृष्ठ
राजनीति
गण्डकी प्रदेशको मुख्यमन्त्रीमा कांग्रेस संसदीय दलका नेता पाण्डे नियुक्त

गण्डकी प्रदेशको मुख्यमन्त्रीमा कांग्रेस संसदीय दलका नेता पाण्डे नियुक्त

बिहीबार, वैशाख १४, २०८० बागेश्वरी पोस्ट

नेपालगञ्ज । गण्डकी प्रदेशको मुख्यमन्त्रीमा नेपाली कांग्रेस संसदीय दलका नेता सुरेन्द्रराज पाण्डे नियुक्त भएका छन् ।

नेपाली कांग्रेसका २७, नेकपा माओवादी केन्द्रका ७ र नेकपा एकीकृत समाजवादीका १ गरी ३५ जना सांसदको समर्थनमा पाण्डे आज मुख्यमन्त्री नियुक्त भएका हुन् ।

गण्डकी प्रदेश सभामा बहुमतका लागि ३१ जना सांसद आवश्यक पर्छ ।

नवनियुक्त मुख्यमन्त्री पाण्डेको शपथ भने भोलि हुने भएको छ। मुख्यमन्त्री पाण्डेलाई प्रदेश प्रमुख पृथ्वीमान गुरूङले शपथ खुवाउने कार्यक्रम तय भएको बताइएको छ ।

नेकपा एमाले संसदीय दलका नेता समेत रहेका मुख्यमन्त्री खगराज अधिकारीले गत शनिबार प्रदेश सभाबाट विश्वासको मत नपाएपछि उनको पद गएको थियो । त्यसपछि प्रदेश प्रमुख गुरूङले आज अपरान्ह ४ बजेसम्म मुख्यमन्त्री दाबी गर्न दलहरूलाई आह्वान गरेका थिए ।

प्रकाशित मिति: बिहीबार, वैशाख १४, २०८० १६:१२

प्रतिक्रिया दिनुहोस्