लुम्बिनीका नवनियुक्त मुख्यमन्त्री चौधरीले वैशाख १८ गते विश्वासको मत लिँदै

राजनीति

गृहपृष्ठ
राजनीति
लुम्बिनीका नवनियुक्त मुख्यमन्त्री चौधरीले वैशाख १८ गते विश्वासको मत लिँदै

लुम्बिनीका नवनियुक्त मुख्यमन्त्री चौधरीले वैशाख १८ गते विश्वासको मत लिँदै

शुक्रबार, वैशाख १५, २०८० बागेश्वरी पोस्ट

नेपालगन्ज । लुम्बिनी प्रदेशका नवनियुक्त मुख्यमन्त्री डिल्लीबहादुर चौधरीले यही वैशाख १८ गते विश्वासको मत लिँदैछन् ।

आज प्रदेश राजधानी दाङको देउखुरीमा पदभार ग्रहणपछि बसेको पहिलो मन्त्रिपरिषदको बैठकले वैशाख १८ गते मुख्यमन्त्री चौधरीले विश्वासको मत लिने निर्णय गरेको हो ।

लुम्बिनी सरकारलाई छिटो पूर्णता दिनेगरी विश्वासको मत छिट्टै लिन लागेको एक मन्त्रीले जानकारी दिएका छन् ।

आज बसेको मन्त्रिपरिषद्को बैठकले लुम्बिनी प्रदेशलाई पर्यटकीय क्षेत्रको रुपमा विकास गर्ने, स्थानीय उत्पादनको बजारीकरण गरेर रोजगारी सृजना गर्ने, प्रदेश सरकारलाई घरघरसम्म पुर्‍याउने गरी कार्यक्रम निर्माण गर्ने निर्णय गरेको छ ।

लुम्बिनीमा ८७ सदस्यीय प्रदेशसभामा नेपाली कांग्रेसका २७, माओवादीका ११, नागरिक उन्मुक्ति पार्टीका ४ जना, जनमत पार्टी, जनता समाजवादी पार्टी र लोकतान्त्रिक समाजवादी पार्टीका ३–३ जना, राष्ट्रिय जनमोर्चा, नेकपा एकीकृत समाजवादीका एक–एक जना र स्वतन्त्र एक सांसद गरी ५३ जना सांसदको समर्थनबाट चौधरी मुख्यमन्त्री बनेका हुन् ।

प्रकाशित मिति: शुक्रबार, वैशाख १५, २०८० २०:२७

प्रतिक्रिया दिनुहोस्