दुई दिन अझै वर्षा हुने

समाचार

गृहपृष्ठ
समाचार
दुई दिन अझै वर्षा हुने

दुई दिन अझै वर्षा हुने

आइतबार, वैशाख १७, २०८० बागेश्वरी पोस्ट

नेपालगञ्ज । स्थानीय वायुसँगै पश्चिमी वायुको प्रभावले काठमाडौं उपत्यकासहित देशका पहाडी भेगमा वर्षा भइरहेको जल तथा मौसम विज्ञान विभाग मौसम पूर्वानुमान महाशाखाले उल्लेख गरेको छ । अझै दुई दिन पानी पर्ने भएको छ ।

प्रि-मनसुन पनि सक्रिय रहेकाले मेघगर्जन/चट्याङसहित वर्षा भएको हो । काठमाडौं उपत्यकामा शनिबार वर्षा भएको थियो । आज पनि काठमाडौंमा वर्षा भइरहेको र सोमबार पनि वर्षाको सम्भावना रहेको मौसमविद् गङ्गा नगरकोटीले बताइन् ।

“पश्चिमी वायुको प्रभावसँगै स्थानीय वायुको समिश्रणले वर्षा गराएको छ । रातिको समयमा दिउँसोको भन्दा सिस्टम कमजोर हुने भएकाले वर्षा कम हुन्छ । आइतबार र सोमबार पनि वर्षाको सम्भावना छ”, उनले भनिन् । प्रि-मनसुन पनि सक्रिय रहेकाले मेघगर्जन/चट्याङसहित वर्षा भएको र यो क्रम केही दिन जारी रहने मौसमविद् नगरकोटीको भनाई छ ।

आइतबार देशभर आंशिकदेखि सामान्य बदली रही पहाडी भू-भागका केही स्थानमा मेघगर्जन/चट्याङसहित हल्कादेखि मध्यम वर्षाको सम्भावना छ । कोशी प्रदेशका तराई भूभागका एक/दुई स्थानमा हावाहुरीको सम्भावना रहेको पनि महाशाखाले जनाएको छ ।

प्रकाशित मिति: आइतबार, वैशाख १७, २०८० १२:३५

प्रतिक्रिया दिनुहोस्