रास्वपा संसदीय दलको नेतामा रवि लामिछाने चयन

राजनीति

गृहपृष्ठ
राजनीति
रास्वपा संसदीय दलको नेतामा रवि लामिछाने चयन

रास्वपा संसदीय दलको नेतामा रवि लामिछाने चयन

सोमबार, वैशाख १८, २०८० बागेश्वरी पोस्ट

नेपालगन्ज । राष्ट्रिय स्वतन्त्र पार्टी (रास्वपा) को संसदीय दलको नेतामा लामिछाने चयन भएका छन् । आज बसेको रास्वपाको संसदीय दलको बैठकले लामिछानेलाई संसदीय दलको नेताका रुपमा पुनः चयन गरेको हो ।

यसअघि पार्टीको केन्द्रीय समिति बैठक बसेको थियो । पार्टीका सहमहामन्त्री कविन्द्र बुर्लाकोटीले सरकारलाई पार्टीको समर्थन यथावत रहेको र बाँकी निर्णय शुक्रबारको संयुक्त बैठकले गर्ने बताए ।

उनले भने, “पार्टी सभापति लामिछाने संसदीय दलको नेता चयन हुनुभएको छ । सरकारसम्बन्धी छलफल चाहिँ शुक्रबारको संयुक्त बैठकबाट टुङ्गो लाग्ने निर्णय भएको छ।”

आज बसेको केन्द्रीय समितिको बैठकले पार्टीको ३६ विभाग गठन गरेको छ । डा. स्वर्णिम वाग्लेले अर्थनीति विभागको प्रमुखको जिम्मेवारी पाएका छन् । शिशिर खनालले अन्तर्राष्ट्रिय सम्बन्ध विभाग र पर्यटन तथा संस्कृति विभागको जिम्मेवारी पाएका छन् ।

डा. मुकुल ढकालले नीति तथा विचार र प्रशिक्षण, डा. तोषिमा कार्की स्वास्थ्य तथा जनसङ्ख्या र युवा तथा खेलकुद, सन्तोष परियार मानव अधिकार, सोविता गौतम कानून तथा न्याय, हरि ढकाल भ्रष्टाचार निवारण तथा सुशासन प्रवर्द्धन र दीपक बोहरा जनसम्पर्क विभाग प्रमुख बनेका छन् ।

मनिष झा तथ्याङ्क अनुसन्धान तथा अभिलेखीकरण र सार्वजनिक लेखा समीक्षा, सुमना श्रेष्ठ शिक्षा र विज्ञान, सञ्चार तथा सूचना प्रविधि विभागको प्रमुख तोकिएकी छिन् । पार्टी सभापति समेत रहेका रवि लामिछाने गत वैशाख १० गतेको चितवन-२ उपनिर्वाचनमा विजयी बनेपछि रास्वपाका संसदीय दलको नेतामा चुनिएका हुन् ।

प्रकाशित मिति: सोमबार, वैशाख १८, २०८० १८:०६

प्रतिक्रिया दिनुहोस्