कर्णालीमा माओवादीले नेकपा 'एस' लाई गरेको व्यवहारले दु:खी भएका छौं: नेता नेपाल

राजनीति

गृहपृष्ठ
राजनीति
कर्णालीमा माओवादीले नेकपा 'एस' लाई गरेको व्यवहारले दु:खी भएका छौं: नेता नेपाल

कर्णालीमा माओवादीले नेकपा 'एस' लाई गरेको व्यवहारले दु:खी भएका छौं: नेता नेपाल

बुधबार, वैशाख २०, २०८० बागेश्वरी पोस्ट

फाइल फोटो

नेपालगन्ज । कर्णाली प्रदेशमा सरकार गठनमा नेकपा सवाजवादी पार्टीलाई माओवादी केन्द्रले बेवास्ता गरेको भन्दै नेकपा 'एस' का अध्यक्ष माधव कुमार नेपालले दु:खेसो पोखेका छन् ।

आज बिहान सुर्खेतमा पत्रकारहरुसँग कुरा गर्दै कर्णालीमा माओवादी केन्द्रको घमण्डका कारण आफ्ना दलका नेताहरु दु:खी भएको बताएका हुन् । कर्णालीमा माओवादीले गरेको व्यवहार आफूहरुलाई स्वीकार्य नहुने अध्यक्ष नेपालले चेतावनी समेत दिए ।

माओवादी केन्द्रका अध्यक्ष पुष्पकमल दाहाल 'प्रचण्ड' लाई कटाक्ष गर्दै अध्यक्ष नेपालले भने 'तपाईंहरुले जसरी हामीलाई बेवास्ता गरेर सरकारमा एकलौटी गर्नुभएको छ, यो हामीलाई स्वीकार्य छैन ।’

नेता नेपालले माओवादीको व्यवहारको आलोचना मात्र नभई निन्दा गर्न मन लाग्ने बताए । यस्तै यस्तै खालका प्रवृत्तिहरु हुर्किंदै जाँदा गठबन्धन टिक्छ कि टिक्दैन भन्ने प्रश्न उठेको उनको भनाई छ । कर्णाली प्रदेश सरकारमा माओवादी केन्द्रले सरकारमा नेकपा एसलाई बोलाएको छैन ।

प्रकाशित मिति: बुधबार, वैशाख २०, २०८० १०:३०