सिम्रिक एयर हेलिकप्टर दुर्घटना अपडेट: पाइलटसहित दुई जना गम्भीर घाइते

समाचार

गृहपृष्ठ
समाचार
सिम्रिक एयर हेलिकप्टर दुर्घटना अपडेट: पाइलटसहित दुई जना गम्भीर घाइते

सिम्रिक एयर हेलिकप्टर दुर्घटना अपडेट: पाइलटसहित दुई जना गम्भीर घाइते

घाइते पाइलटसहित तीन जनालाई काठमाडौं लगियो

शुक्रबार, वैशाख २२, २०८० बागेश्वरी पोस्ट

नेपालगन्ज । संखुवासभामा सिम्रिक एयरको हेलिकप्टर दुर्घटनामा पाइलटसहित दुई जना गम्भीर घाइते भएका छन् । हेलिकप्टर सवार अन्य तीन जना पनि घाइते भएका छन् ।

आज दिउँसो अरुण तेस्रोको सामान बोकेको उडेको हेलिकप्टर संखुवासभाको भोटखोला गाउँपालिका वडा नम्बर ४ को सिप्रुङमा हेलिकप्टर दुर्घटना भएको थियो।

हेलिकप्टर दुर्घटनामा क्याप्टेन सुरेन्द्र पौडेल र स्थानीय भविन गुरुङ गम्भीर घाइते भएका हुन् । उनीहरुसहित अर्का एक घाइतेलाई नेपाली सेनाको टोलीले उद्धार गरेर उपचारका लागि काठमाडौं पठाएको छ ।

प्रहरीका अनुसार दुर्घटनाका गम्भीर घाइते बाहेक अन्य घाइतेमा सहयोगी मनोज थापा, छिरिङ भोटे र विद्युत् प्राधिकरणका कर्मचारी विक्रम गुरुङ छन्।

हेलिकोप्टरको पंखा पहाडको भित्तामा ठोक्किएर दुर्घटनामा भएको प्रहरीले जनाएको छ । घटनास्थलमा नेपाली सेना, नेपाल प्रहरी र स्थानीयवासी उद्धारमा खटिएका छन् ।

प्रकाशित मिति: शुक्रबार, वैशाख २२, २०८० १५:२०

प्रतिक्रिया दिनुहोस्