सिम्रिक एयर हेलिकप्टर दुर्घटना अपडेट: एक जनाको मृत्यु

समाचार

गृहपृष्ठ
समाचार
सिम्रिक एयर हेलिकप्टर दुर्घटना अपडेट: एक जनाको मृत्यु

सिम्रिक एयर हेलिकप्टर दुर्घटना अपडेट: एक जनाको मृत्यु

शुक्रबार, वैशाख २२, २०८० बागेश्वरी पोस्ट

नेपालगन्ज । सङ्खुवासभा हेलिकप्टर दुर्घटनामा गम्भीर घाइते भएका एक जनाको मृत्यु भएको छ।

जिल्लाको भोटखोला–४ मा सिम्रिक एयरको हेलिकोप्टर दुर्घटनामा गम्भीर घाइते भएका स्थानीय भविन गुरुङको मृत्यु भएको जिल्ला प्रहरी कार्यालय सङ्खुवासभाले जानकारी दिएको छ।

हेलिकोप्टरमा सवार चार जना गम्भीर घाइते भएको उनले बताए । आज दिउँसो १ः१० बजे भोटखोला गाउँपालिका–४ हटियाको सिक्प्रुङको हम्मरेडाँडामा रुखमा ठोक्किएर हेलिकोप्टर दुर्घटना भएको प्रहरीको भनाइ छ ।

मृतक गुरुङ हेलिकोप्टरमा सहयोगीका रुपमा काम गर्दै आएका थिए । दुर्घटनामा परी क्याप्टेन सुरेन्द्र पौडेल, को–पाइलट छिरिङ भोटे, अर्का सहयोगी मनोज थापा र नेपाल विद्युत् प्राधिकरणका कर्मचारी विक्रम शङ्कर गम्भीर घाइते भएका छन् । उनीहरुलाई उपचारका लागि काठमाडौँ पठाइएको छ ।

उक्त हेलिकप्टरले अरुण तेस्रोको सामान लिएर जादै गर्दा संखुवासभाको भोटखोला गाउँपालिका वडा नम्बर ४ को सिप्रुङमा दुर्घटना भएको थियो।

प्रकाशित मिति: शुक्रबार, वैशाख २२, २०८० १७:००