भैरहवाबाट काठमाडौं उडेको श्री एयरको जहाजको ल्याण्डिङ गिएरमा समस्या आएपछि भैरहवा फर्कियो

समाचार

गृहपृष्ठ
समाचार
भैरहवाबाट काठमाडौं उडेको श्री एयरको जहाजको ल्याण्डिङ गिएरमा समस्या आएपछि भैरहवा फर्कियो

भैरहवाबाट काठमाडौं उडेको श्री एयरको जहाजको ल्याण्डिङ गिएरमा समस्या आएपछि भैरहवा फर्कियो

करिब ५० मिनेट भैरहवा विमानस्थल अवरुद्ध

सोमबार, वैशाख २५, २०८० बागेश्वरी पोस्ट

नेपालगन्ज । आज बिहान भैरहवाबाट काठमाडौं उडेको श्री एयरलाइन्सको जहाज बिचबाटै भैरहवा फर्किएको छ ।

श्री एयरको उडान नम्बर एसएचए ८२२ नम्बरको ७२ सिट क्षमताको जहाज काठमाडौं जाँदै गर्दा जहाजमा समस्या आएपछि १८ मिनेटमै भैरहवामै फर्किएर ल्याण्ड गरेको थियो । सो जहाजको ल्याण्डिङ गिएरमा समस्या देखिएपछि भैरहवामै फर्किएको विमानस्थल स्रोतले बताएको छ । ल्याण्डिङ गियर भित्र नछिरेपछि जहाजलाई भैरहवा फर्काइएको हो ।

उक्त जहाज रनवेमै रोकिंदा भैरहवा विमानस्थल करिब ५० मिनेट अवरुद्ध भएको छ । विमानस्थलको रनवे खाली नभएपछि काठमाडौंबाट गएको यतीको हवाईजहाज काठमाडौंमै फर्किएको थियो ।

अहिले भने श्री एयरलाइन्सको जहाज रनवेबाट हटाइसकिएको भैरहवा विमानस्थलका प्रवक्ता दीपक बज्राचार्यले जानकारी दिए ।

उक्त जहाज भैरहवाबाट ७ः५५ मा उड्नुपर्ने जहाज ९:४० बजेमात्रै काठमाडौंतर्फ उडेको थियो । करिब १८ मिनेट आकाशमा उडेपछि जहाज भैरहवा विमानस्थलमै फर्किएर ल्याण्ड गरेको हो ।चालक दलका सदस्यहरूले इन्डिकेटरले विमानमा खराबी देखाएकोले बीचबाटै फर्किएको बताएका छन् । तर, कस्तो समस्या हो भन्ने पत्ता लागिसकेको छैन ।

प्रकाशित मिति: सोमबार, वैशाख २५, २०८० ११:३४

प्रतिक्रिया दिनुहोस्