स्थानीय तहका पदाधिकारी र कर्मचारीलाई विदेश भ्रमण गर्नमा कडाइ

राजनीति

गृहपृष्ठ
राजनीति
स्थानीय तहका पदाधिकारी र कर्मचारीलाई विदेश भ्रमण गर्नमा कडाइ

स्थानीय तहका पदाधिकारी र कर्मचारीलाई विदेश भ्रमण गर्नमा कडाइ

सोमबार, वैशाख २५, २०८० बागेश्वरी पोस्ट

नेपालगन्ज । सरकारले स्थानीय तहका पदाधिकारी तथा कर्मचारीलाई विदेश भ्रमणमा कडाइ गरेको छ ।

संघीय मामिला तथा सामान्य प्रशासन मन्त्रालयले एक परिपत्र जारी गर्दै स्थानीय तहका पदाधिकारी एवं कर्मचारीलाई कार्यक्रम स्वीकृत नगराई जथाभावी विदेश भ्रमणमा नजान आग्रह गरेको हो ।

यसअघि भएका यस्ता वैदेशिक भ्रमणका कतिपय कार्यक्रमको औचित्य नदेखिएको भन्दै मन्त्रालयको उक्त परिपत्रमा आवश्यताका आधारमा मात्र वैदेशिक भ्रमणमा जान निर्देशन दिइएको छ ।

अत्यावश्यक र औचित्यपूर्ण अवस्था बाहेक वैदेशिक भ्रमण स्वीकृतिका लागि नपठाउन पनि मन्त्रालयले जिल्ला समन्वय अधिकारी र पालिकाका प्रमुख प्रशासकीय अधिकृतलाई निर्देशन दिएको छ ।

विदेश भ्रमणबारे निर्णय गर्नु अघि देशको वर्तमान आर्थिक संवेदनशीलता, चालू आर्थिक वर्षको अन्तिम र नयाँ आर्थिक वर्षको बजेट निर्माणको महत्वपूर्ण समयलाई मनन गर्न मन्त्रालयले जारी गरेको उक्त परिपत्रमा भनिएको छ ।

आधिकारिकता पुष्टि हुन नसक्ने तथा गलत कागजात तयार गरी विदेश भ्रमणमा गए या पठाइएमा त्यस्ता अनुरोध पत्रमाथि मन्त्रालयले कारबाही गर्ने चेतावनी पनि सो परिपत्रमा दिइएको छ । रासस

प्रकाशित मिति: सोमबार, वैशाख २५, २०८० १८:४७

प्रतिक्रिया दिनुहोस्